ഒരു യൂസര് ട്വിറ്ററില് കുറിച്ച പോസ്റ്റിനെതിരെയാണ് ഇപ്പോള് വന് വിമര്ശനമുയരുന്നത്. അനേകം പേര് സ്ത്രീവിരുദ്ധത നിറഞ്ഞ പോസ്റ്റ് എന്നാണ് ആകാശ് പ്രസാപതിയുടെ ഈ ട്വിറ്റര് പോസ്റ്റിനെ വിലയിരുത്തുന്നത്. സ്ത്രീകളുടെ മദ്യപാനത്തെ കുറിച്ചാണ് പ്രസ്തുത പോസ്റ്റ്.
'ഇന്ന് പെണ്കുട്ടികള്ക്ക് അവരുടെ അച്ഛനെ പോലെ മദ്യപിക്കാനാവും, അമ്മയെ പോലെ പാചകം ചെയ്യാനാവില്ല മദ്യപാനം സ്ത്രീകള്ക്കായാലും പുരുഷന്മാര്ക്കായാലും ആരോഗ്യത്തിന് ഹാനികരമാണ്. എന്നാല്, പുരുഷന്മാര്ക്ക് മദ്യപിക്കാം സ്ത്രീകള് മദ്യപിക്കുന്നത് തെറ്റാണ് എന്നത് കുറേ കാലങ്ങളായി ആളുകള് പറയുന്ന സ്ത്രീവിരുദ്ധതയാണ്. എന്നാണ് ഇയാള് ട്വിറ്ററില് കുറിച്ചത്.
വളരെ പെട്ടെന്ന് തന്നെ സോഷ്യല് മീഡിയയില് വൈറലായ ഈ പോസ്റ്റിന് നിരവധിപേരാണ് കമന്റുകളുമായെത്തിയിരിക്കുന്നത്. 'പാചകം സ്ത്രീകള്ക്ക് വേണ്ടിയുള്ളതാണ് എന്നാണല്ലോ വെപ്പ്, ഇതാണ് സമൂഹത്തിന്റെ മാറാത്ത പുരുഷാധിപത്യബോധം' എന്നാണ് ഒരാള് കമന്റ് ചെയ്തത്. 'പാചകം ചെയ്യുക എന്നത് പ്രാഥമികമായി കൈവരിച്ചിരിക്കേണ്ട ഒരു കഴിവാണ്. നിങ്ങളെ പോലെയുള്ള പുരുഷന്മാര്ക്ക് പാചകം ചെയ്യാനുള്ള കഴിവില്ല. മണ്ടത്തരങ്ങള് പറയാനുള്ള കഴിവേ ഉള്ളൂ' എന്നും മറ്റൊരാള് കുറിച്ചു.
