ഇടുക്കി: അയോഗ്യതാ വിഷയത്തില് ദേവികുളം എംഎല്എ എ.രാജയ്ക്ക് താല്ക്കാലിക ആശ്വാസം. നടപടിയില് സുപ്രീംകോടതി ഭാഗികമായി സ്റ്റേ ഏര്പ്പെടുത്തി. എംഎല്എ സ്ഥാനത്ത് നിന്നും നീക്കിയ വിധിക്കെതിരേ മുന് എംഎല്എ എ. രാജ സുപ്രീംകോടതിയില് സമര്പ്പിച്ച ഹര്ജിയിലാണ് ആശ്വാസം. നിയമസഭാ നടപടികളില് പങ്കെടുക്കുന്നതില് തടസ്സമില്ല. എന്നാല് നിയമസഭ അലവന്സും പ്രതിഫലവും വാങ്ങാന് അവകാശമല്ല.
വോട്ട് ചെയ്യാനുള്ള അവകാശം ഉണ്ടായിരിക്കില്ല. കേസ് ഇനി പരിഗണിക്കുന്ന ജൂലൈ വരെയാണ് സ്റ്റേ. നേരത്തേ കോണ്ഗ്രസ് സ്ഥാനാര്ത്ഥി ഡി. കുമാറിന്റെ ഹര്ജിയില് ദേവികുളംമണ്ഡിലത്തിലെ തെരഞ്ഞെടുപ്പ് ഫലം ഹൈക്കോടതി റദ്ദാക്കിയിരുന്നു.
സംവരണ സീറ്റില് മത്സരിക്കാന് സിപിഎം എംഎല്എ ആയ എ.രാജയ്ക്ക് യോഗ്യതയില്ലെന്ന് കാട്ടിയായിരുന്നു നടപടി. പട്ടികജാതിയില് നിന്നുള്ള ആളല്ല എന്നും പരിവര്ത്തന ക്രൈസ്തവ വിഭാഗത്തില് നിന്നുള്ളയാളാണ് എന്നുമായിരുന്നു ഹൈക്കോടതിയുടെ ഉത്തരവ്. എന്നാല് തന്നെ വിജയിയായി പ്രഖ്യാപിക്കണമെന്ന ആവശ്യം കോടതി തള്ളുകയും ചെയ്തിരുന്നു.
