പ്രേക്ഷകര് ഏറെ പ്രതീക്ഷ വെച്ച മമ്മൂട്ടി അഖില് അക്കിനേനി ചിത്രം ഏജന്റ് ബോക്സോഫീസില് ഏല്ക്കുന്നില്ല. ആദ്യദിവസം സിനിമയ്ക്ക് പ്രതീക്ഷിച്ച തള്ളിക്കയറ്റം ഉണ്ടായില്ല. ലോകം മുഴുവനുമായി റിലീസ് ചെയ്ത ചിത്രത്തിന് റിലീസിംഗ് ദിവസം കിട്ടിയത് ഏഴു കോടി രൂപ മാത്രമെന്നാണ് വിവരം.
ആന്ധ്ര, തെലുങ്കാന മേഖലകളില് മാസങ്ങള്ക്ക് മുമ്പ് തന്നെ വിറ്റുപോയ സിനിമ നിര്മ്മാതാക്കള്ക്ക് ആശങ്ക സമ്മാനിച്ചിരിക്കുകയാണ്. ഓവര് ബഡ്ജറ്റിംഗാണ് സിനിമയ്ക്ക് വന്ന തിരിച്ചടിയെന്നാണ് ആദ്യസൂചനകള്. 80 കോടിയാണ് സിനിമയുടെ മുതല് മുടക്ക്. ഇപ്പോള് അതുപോലും തിരിച്ചുപിടിക്കാന് സിനിമയ്ക്ക് കഴിയുമോ എന്ന ആശങ്ക ശക്തമാകുകയാണ്.
അഖില് അക്കിനേനിയ്ക്കും മമ്മൂട്ടിയ്ക്കും പുറമേ ബോളിവുഡ് താരം ദിനോമോറിയയും സിനിമയിലുണ്ട്. സാക്ഷി വൈദ്യയാണ് നായിക. സിനിമയ്ക്ക് വിദേശത്തും വേണ്ടവണ്ണമുള്ള പ്രകടനം നടത്താന് കഴിഞ്ഞിട്ടില്ല. യുഎസില് നിന്നും പ്രതീക്ഷിത കണക്ക് 150 കെ ഡോളറിന്റേതാണ്. അതായത് സിനിമ അമേരിക്കന് ടെറിടെറിയില് 70 ശതമാനമെങ്കിലും നഷ്ടമുണ്ടാക്കുമെന്നാണ് കണക്കാക്കപ്പെടുന്നത്.
സംവിധായകന് സുരേന്ദര് റെഡ്ഡിയും തിരക്കഥാകൃത്ത് വാക്കന്താനംവംശിയും ചേര്ന്നുള്ള മുന് കൂട്ടുകെട്ടുകളുടെ പ്രതീക്ഷയിലാണ് ഈ സിനിമയും ഒരുക്കിയത്. മുമ്പ് ഇവര് ചെയ്ത ധ്രുവയും ടെമ്പറും വിജയമായിരുന്നെങ്കിലും ഏജന്റ് പ്രതീക്ഷയ്ക്കൊത്ത് ഉയര്ന്നില്ല എന്നാണ് വിമര്ശകരുടെ പക്ഷം. തീവ്രവാദികളില് നിന്നും രാജ്യത്തെ രക്ഷിക്കാന് വരുന്ന ചാരനായിട്ടാണ് അഖില് അക്കിനേനി എത്തുന്നത്. ട്രെയിലറിലെ വാഗ്ദാനം സിനിമയില് പാലിക്കാന് കഴിഞ്ഞില്ലെന്നാണ് കണ്ടെത്തല്.
