മണിരത്നം മാജിക്കില് പിറന്ന ‘പൊന്നിയിന് സെല്വന് 2’ വിലെ കരികാലനെ പ്രേക്ഷകനെ ഏറ്റെടുത്തിരിക്കുകയാണ്. പതിവു പോലെ വിക്രമിന്റെ കരുത്തുറ്റ പ്രകടനം കരികാലനിലൂടെ പ്രേക്ഷകര് കണ്ടതാണ്. പൊന്നിയിന് സെല്വനു ശേഷം വിക്രം തിളങ്ങാനിരിക്കുന്നത് പാ. രഞ്ജിത്തിന്റെ താങ്കലാന് സിനിമയിലൂടെയാണ്. ഞെട്ടിക്കുന്ന മാറ്റം ശരീരത്തില് വരുത്തിയും ലുക്കിലെ വ്യത്യസ്തതയും ഏതാനും നാളുകള് മുമ്പിറങ്ങിയ ടീസറുമൊക്കെ വലിയ പ്രതീക്ഷ നല്കുന്നതാണ്. ചിത്രീകരണം പുരോഗമിക്കുന്നതിനിടെ വിക്രമിന് പരിക്കുണ്ടായത് ആരാധകര്ക്കിടയില് ആശങ്കയുണ്ടാക്കിയിരുന്നു. സോഷ്യല് മീഡിയയിലൂടെ പലരും താരത്തിന്റെ സുഖ വിവരമന്വേഷിക്കുന്നുണ്ട്. ഇപ്പോഴിതാ തന്റെ അപകടത്തെ കുറിച്ച് തുറന്നുപറയുകയാണ് താരം. താരത്തിന്റെ വീട്ടിന്റെ പുറത്ത് വന്ന് ആരോഗ്യം വീണ്ടെടുക്കാന് സന്ദേശം അയച്ച ശിവ എന്ന ആരാധകനോടാണ് ചിയാന് മറുപടി നല്കിയത്. ‘ഒരുപാട് നന്ദി ശിവ, നിങ്ങളുടെയെല്ലാവരുടെയും പിന്തുണയേക്കാള് വലുതായി എന്താണ് എനിക്കു വേണ്ടത്. ഞാന് വരും’, എന്നായിരുന്നു വിക്രമിന്റെ മറുപടി
மிக்க நன்றி சிவா. 💛வீடு வரை வந்து உங்கள் அன்பை தெரிவித்ததற்க்கு. நீங்கள் எல்லோரும் என்னுடன் இருக்கும்போது எனக்கு வேறு என்ன வேண்டும். I’ll be back. 😁 https://t.co/wcg7IdkHT2
— Vikram (@chiyaan) May 4, 2023
ഒരു പിരീഡ് ഡ്രാമ ചിത്രമായ തങ്കലാന് എന്ന സിനിമയിലെ ആക്ഷന് രംഗങ്ങള് പരിശീലിക്കുന്നതിനിടെ വാരിയെല്ലിനാണ് താരത്തിന് ഒടിവ് സംഭവിച്ചത്. നിലവില് 30 ദിവസത്തെ വിശ്രമത്തിലാണ് വിക്രം. പത്തൊന്പതാം നൂറ്റാണ്ടില് ബ്രിട്ടീഷ് കാലഘട്ടത്തില് കെജിഎഫില് നടന്ന ഒരു സംഭവത്തെ ആധാരമാക്കിയാണ് ചിത്രം ഒരുങ്ങുന്നത്. അന്പ് അറിവ് ആണ് ആക്ഷന് കൊറിയോഗ്രഫി. ഹോളിവുഡ് ചിത്രം ‘അപ്പോകലിപ്റ്റോ’യെ അനുസ്മരിപ്പിക്കും വിധമായിരുന്നു പുറത്തുവന്ന മേക്കിംഗ് വീഡിയോ. ചിത്രത്തിന് കരുത്താകുക വിക്രമിന്റെ പ്രകടനം തന്നെയാകും.
