കാണികളെ സന്തോഷിപ്പിക്കുക മാത്രമല്ല പലപ്പോഴും സമൂഹ മാധ്യമങ്ങള് ആളുകളെ കരയിക്കാറുമുണ്ട്. ഇതിന് ഉദാഹരണമാണ് കഴിഞ്ഞ ദിവസം വൈറലായ ഒരു മുത്തച്ഛന്റെ വീഡിയോ. ചിരിപ്പിച്ചും നൃത്തം ചെയ്തും കുപ്പി വെള്ളം വില്ക്കുന്ന ഒരാളാണ് സോഷ്യല് മീഡിയയിലെ ഡുനിയില് പ്രത്യക്ഷപ്പെട്ടത്.
നമ്മുടെ വേണ്ടപ്പെട്ടവര്ക്ക് വല്ലതും സംഭവിച്ചാല് നമ്മള് മിക്കവാറും ആളുകള് കരയുകയാണ് ചെയ്യാറുള്ളത്. എന്നാല് കരഞ്ഞതുകൊണ്ട് എന്തെങ്കിലും പ്രയോജനമുണ്ടോ എന്ന് ചോദിച്ചാല് ചിലപ്പോള് സമാധാനം ലഭിച്ചേക്കും എന്നാണ് ഉത്തരം. അതിനാല് തന്നെ ഈ മുത്തശ്ശന് തന്റെ മരണത്തിലേക്ക് അടുക്കാറായ കൊച്ചുമകനുവേണ്ടി എന്തെങ്കിലും ചെയ്യാനായി വേറിട്ട വഴിയാണ് തെരഞ്ഞെടുത്തത്. അതിനുവേണ്ടി ചിരിച്ചും നൃത്തം ചെയ്തും കുപ്പിവെള്ളം വില്ക്കുകയാണ് അദ്ദേഹം.
മുത്തശ്ശന് ചിരിച്ചുകൊണ്ടും ഡാന്സു കളിച്ചുകൊണ്ടും വെള്ളം വില്ക്കുന്നതു കണ്ട ആളുകളെല്ലാം തന്നെ ഇതെന്താണ് ഇങ്ങനെ ചെയ്യുന്നത് എന്ന് അന്വേഷിച്ചു. പിന്നാലെയാണ് അദ്ദേഹത്തിന്റെ കൊച്ചുമകന് അസുഖബാധിതതനാണ് എന്നും ചികിത്സിക്കാന് പണമില്ലാതെ ബുദ്ധിമുട്ടിലാണ് എന്നും അറിയുന്നത്. ഇതിനു പിന്നാലെ തന്നെ നിരവധി ആളുകള് അദ്ദേഹത്തെ സഹായിക്കാനായി രംഗത്തെത്തി. വളരെ അപൂര്വമായ രോഗമാണ് കുഞ്ഞിനെ ബാധിച്ചിരിക്കുന്നത്. സര്ജറിയിലൂടെ മാത്രമേ കുഞ്ഞിനെ രക്ഷിക്കാനാകുകയുള്ളു. ഇതിന് ഒരുപാട് പണം ആവശ്യമാണ്.
വീഡിയോ വൈറലായതോടെ നിരവധി ആളുകളാണ് കമന്റുകളുമായി രംഗത്തെത്തിയത്. പലരും സഹായ വാഗ്ദാനവും നല്കി. കുഞ്ഞിന്റെ സര്ജറി നടത്തി വേഗം സുഖമാകട്ടെ എന്നാണ് എല്ലാവരും പ്രാര്ത്ഥിക്കുന്നത്.
