മനുഷ്യനോടൊപ്പം തന്നെ ഇന്ന് ശാസ്ത്രവും വളര്ന്നു കഴിഞ്ഞു. ആളുകള് സര്ജറികളിലൂടെ തങ്ങളുടെ രൂപം തന്നെ മാറ്റുന്ന ലേകമാണിത്. വേദനയേറിയ ശസ്ത്രക്രിയയിലൂടെ പണം ചിലവാക്കി തങ്ങളുടെ നീളവും, രൂപവും എല്ലാം മാറ്റുന്നവരാണ്. ജര്മ്മനിക്കാരനായ 21 -വയസുകാരനായ യുവാവ് തന്റെ നീളം കൂട്ടുന്നതിന് വേണ്ടി മൂന്ന് സര്ജറികളാണ് ചെയ്തത്.
ശസ്ത്രക്രിയയിലൂടെ 5'8 -ല് നിന്നും ഏഴിഞ്ച് കൂട്ടി 6'3 ആയി തന്റെ ഉയരം കൂട്ടിയിരിയ്ക്കുകയാണ് ഇയാള്. ഉയരം കുറവായിരുന്നത് മൂലം മുമ്പൊക്കെ 'ആണത്തം' അനുഭവപ്പെട്ടിരുന്നില്ല, എന്നാല് ഇപ്പോഴാണ് തനിക്ക് അത് അനുഭവപ്പെടുന്നത് എന്നാണ് യുവാവിന്റെ പറയുന്ന ന്യായം. ടിക്ടോക്കില് @le_tremba എന്ന തന്റെ അക്കൗണ്ടിലൂടെ ഇയാള് തന്റെ നീളം കൂട്ടുന്നതിന് വേണ്ടിയുള്ള യാത്രയുടെ വിവരങ്ങളെല്ലാം വെളിപ്പെടുത്തിയിട്ടുണ്ട്.
' 1.70 മീറ്റര് എന്ന് പറയുമ്പോള് നീളം കുറവാണ്. അത് എന്റെ ആത്മവിശ്വാസത്തെ തന്നെ ബാധിച്ചു. എനിക്ക് ആണത്തം ഉള്ളതായി തോന്നിയില്ല. 1.75 മീറ്ററോ അതിലധികമോ ഉയരമുള്ള സ്ത്രീകള് പോലുമുണ്ട്' എന്നാണ് ടിക്ടോക്ക് വീഡിയോയില് ഇയാള് പറഞ്ഞത്. അമ്പത് ലക്ഷം രൂപ വരെയാണ് ഈ സര്ജറിക്ക് യുകെയിലെ സ്വകാര്യ ആശുപത്രികള് ഈടാക്കുന്നത്. അതേ സമയം യുഎസ്സില് ഇത് 57 ലക്ഷം ആണ് ചാര്ജ്.
