ബാലതാരമായി വന്ന് നായികയായി മാറി അമ്മ റോളില് ഇന്നും സിനിമയില് സജീവമായി നില്ക്കുന്ന നടിയാണ് രോഹിണി മൊല്ലെട്ടി. നടി എന്നതിനപ്പുരം തിരക്കഥാകൃത്ത് ഗാനരചയിതാവ് എന്നീ നിലകളില് എല്ലാം രോഹിണി കഴിവ് തെളിയിച്ചിട്ടുണ്ട്. തെലുങ്ക് - മലയാളം- തമിഴ് സിനിമകളില് ഒരേ സമയം വിജയം നേടിയ നടി.
എന്നാല് ദാമ്പത്യ ജീവിതത്തില് ചില പ്രശ്നങ്ങള് രോഹിണിയ്ക്ക് നേരിടേണ്ടതായി വന്നിരുന്നു. ഒരു അഭിമുഖത്തില് അന്തരിച്ച നടനും ഭര്ത്താവുമായി രഘുവരനെ കുറിച്ച് രോഹിണി പറഞ്ഞ കാര്യങ്ങളാണ് വൈറലാവുന്നത്. രഘുവിനെ ഞാന് ഇപ്പോഴും മിസ്സ് ചെയ്യുന്നുണ്ട് എന്നാണ് രോഹിണി പറഞ്ഞത്.
ഞങ്ങള്ക്ക് ഇടയില് ഒരുപാട് പ്രശ്നങ്ങള് ഉണ്ടായിരുന്നു. എനിക്ക് അവരെ കുറിച്ച് ഒരുപാട് കുറ്റങ്ങളും പറയാനുണ്ടാവും. പക്ഷെ അതൊന്നും മൂന്നാമതൊരാളിലേക്ക് നീങ്ങില്ല. ഞങ്ങള്ക്കിടയിലെ പ്രശ്നം ഞങ്ങളുടേത് മാത്രമാണ്. ഇപ്പോഴും രഘുവിനെ ഞാനും മകനും മിസ്സ് ചെയ്യാറുണ്ട്. ഞങ്ങള്ക്കൊപ്പം അദ്ദേഹം ഉണ്ടെന്നാണ് വിശ്വാസം
മകന്റെ ജനനം മുതല് അവന്റെ വളര്ച്ചയുടെ ഓരോ ഘട്ടവും സന്തോഷത്തോടെയാണ് അദ്ദേഹം കണ്ടിരുന്നത്. സ്കൂളില് അവന് തിരുക്കുരള് പറയുന്നത് കണ്ട് അത്രയധികം സന്തോഷിച്ചിരുന്നു. ഇന്ന് ഉണ്ടായിരുന്നുവെങ്കില് അവന്റെ പല കഴിവുകളും, വളര്ച്ചയും കണ്ട് അത്രമേല് അഭിമാനിച്ചേനെ എന്ന് തോന്നിയിട്ടുണ്ട്.
ഒരു കാര്യത്തിന് വേണ്ടി ഇറങ്ങിയാല് അത് നേടാന് അത്രയധികം പരിശ്രമിക്കുന്ന ആളാണ് രഘു. അതിന് ചുറ്റും ഉള്ളവര് എത്ര ബുദ്ധിമുട്ടുന്നു എന്നത് അദ്ദേഹത്തിന് വിഷയം അല്ല. അതേ സ്വഭാവം മകനും ഉണ്ട്. ഒരു സിനിമയില് നെഗറ്റീവ് കഥാപാത്രം ആണ് ചെയ്യുന്നത് എങ്കില് അത് പ്രാക്ടീസ് ചെയ്തു തുടങ്ങുന്നത് വീട്ടില് വച്ചായിരിയ്ക്കും
എന്തുകൊണ്ടാണ് രഘുവിന്റെ മകന് അഭിനയത്തിലേക്ക് വരാത്തത് എന്ന് പലരും ചോദിക്കാറുണ്ട്. അവര്ക്കെല്ലാം ഞാന് കൊടുക്കുന്ന മറുപടി ഒന്ന് മാത്രമാണ്- സിനിമ എന്നാല് രഘുവിന് ജീവശ്വാസം പോലെയായിരുന്നു. സിനിമയാണ് എല്ലാം. അത്രയധികം സിനിമയെ സ്നേഹിച്ചു. അച്ഛനെ പോലെ ഋഷി ജീവശ്വാസം പോലെ കരുതുന്നത് മെഡിക്കല് ഫീല്ഡ് ആണ്. അതിന് ഞാന് തടസ്സം പറയില്ല- രോഹിണി പറഞ്ഞു.
1996 ല് ആണ് രഘുവരനും രോഹിണിയും പ്രണയിച്ച് വിവാഹം ചെയ്തത്. 2004 ല് ഇരുവരും വേര്പിരിഞ്ഞു. പക്ഷെ രഘുവിനോടുള്ള പ്രണയം രോഹിണിയ്ക്ക് കുറഞ്ഞിരുന്നില്ല. രഘുവിന്റെ മദ്യപാന ശീലമായിരുന്നു വേര്പിരിയലിന് കാരണം എന്ന് പറയപ്പെടുന്നു. 2008 ല് ആന്തരികാവയവങ്ങള് തകരാറിലായി രഘു മരിച്ചപ്പോള് ഭാര്യയുടെ സ്ഥാനത്ത് നിന്ന് എല്ലാ ചടങ്ങുകളും ചെയ്തത് രോഹിണി തന്നെയാണ്.
