അവധിക്കാലം ആഘോഷിക്കാനെത്തിയ ജപ്പാനില് നിന്നുള്ള നാല് സുഹൃത്തുക്കള്ക്ക് ഇറ്റലിയിലെ ഒരു റസ്റ്റോറന്റില് നിന്ന് ഉണ്ടായത് ദുരനുഭവം. എന്തെന്നാല് ഒരു നേരത്തെ ഭക്ഷണം കഴിച്ച ശേഷം ഇവര് നാല് പേര്ക്കും ലഭിച്ചത് ഒരു ലക്ഷം രൂപയുടെ ബില്ലായിരുന്നു.
പ്രശസ്തമായ സെന്റ് മാര്ക്ക് സ്ക്വയറിന് സമീപമുള്ള ഓസ്റ്റീരിയ ഡി ലൂക്ക റസ്റ്റോറന്റിലാണ് സംഭവം. റസ്റ്റോറന്റില് നിന്ന് ഒരു പ്ലേറ്റ് വറുത്ത മത്സ്യം, നാല് പ്ലേറ്റ് സ്റ്റീക്ക്, ഒരു കുപ്പി വെള്ളം എന്നിവയാണ് വിദ്യാര്ത്ഥികള് ഓര്ഡര് ചെയ്ത് കഴിച്ചത്. ഭക്ഷണം കഴിച്ച് റസ്റ്റോറന്റ് ബില് നല്കിയപ്പോള് വിദ്യാര്ത്ഥികള് യഥാര്ത്ഥത്തില് ഞെട്ടി. 100 യൂറോയാണ് (ഏകദേശം ഒരു ലക്ഷം രൂപ) ഇവര് ബില് നല്കിയത്. എന്തുകൊണ്ടാണ് ഇത്രയും വലിയ തുക ബില്ലെന്ന് വിദ്യാര്ത്ഥികള് ചോദിച്ചതിന്. ഭക്ഷണം കഴിക്കവെ നാല് പേരും റസ്റ്റോറന്റിലെ വൈഫൈ ഉപയോഗിച്ചതിനാലാണ് ഇത്രയും വലിയ തുക ബില്ല് വന്നതെന്നും അത് കൃത്യമായി ബില്ലില് ചേര്ത്തിട്ടുണ്ടെന്നും കടയുടമ അറിയിക്കുകയായിരുന്നു.
ഒടുവില് ഇവര് സുഹൃത്തുക്കളെ വിളിച്ച് വരുത്തിയാണ് പണം മുഴുവനായി അടച്ചത്. എന്നാല്, വൈഫൈ ഉപയോഗിച്ചതിന് ബില്ല് ഈടാക്കിയ റസ്റ്റോറന്റ് ഉടമയ്ക്കെതിരെ വിദ്യാര്ത്ഥികള് ഇറ്റാലിയന് പോലീസിനെ സമീപിച്ച് പരാതി നല്കി. വിദ്യാര്ത്ഥികളുടെ പരാതി അന്വേഷിച്ച പോലീസ് പരാതിയില് നടപടിയെടുത്തു. ഇതേ തുടര്ന്ന് റസ്റ്റോറന്റ് ഉടമയ്ക്ക് 12.5 ലക്ഷം രൂപയോളമാണ് വിദ്യാര്ത്ഥികള്ക്ക് നഷ്ടപരിഹാരമായി നല്കേണ്ടി വന്നത്.
