മഞ്ചേശ്വരത്തെ പ്രഭാകര നൊണ്ട കൊലക്കേസില് മൂന്ന് പേരെ പോലീസ് അറസ്റ്റ് ചെയ്തു. സഹോദരന് ജയറാം നൊണ്ട, മൊഗ്രാല് പുത്തൂര് സ്വദേശി ഇസ്മയില്, അട്ടഗോളി സ്വദേശി ഖാലിദ് എന്നിവരാണ് പിടിയിലായത്. കൊലപാതക സംഘത്തിലുള്ളത് ആറ് പേരാണെന്നാണ് കണ്ടെത്തല്. ഇതില് മൂന്ന് പേര് ഒളിവിലാണ്. സ്വത്ത് വീതംവയ്പ്പിനെ ചൊല്ലിയുള്ള തര്ക്കമാണ് അനുജനെ കൊലപ്പെടുത്താന് ജേഷ്ഠന് ക്വട്ടേഷന് നല്കുന്നതിലേക്ക് നയിച്ചതെന്നാണ് പോലീസ് കണ്ടെത്തല്.
ശനിയാഴ്ച പുലര്ച്ചെയോടെയാണ് നാടിനെ നടുക്കിയ കൊലപാതകമുണ്ടായത്. 40 വയസുകാരനായ പ്രഭാകര നൊണ്ടയാണ് മരിച്ചത്. സഹോദരന് ജയറാം നൊണ്ട കത്തി ഉപയോഗിച്ച് കുത്തിക്കൊല്ലുകയായിരുന്നുവെന്നാണ് പോലീസ് കണ്ടെത്തല്. കഴുത്തിലും നെഞ്ചിലുമടക്കം നിരവധിയിടങ്ങളില് കുത്തേറ്റിരുന്നു. കൊലക്കേസിലടക്കം നിരവധി കേസുകളില് പ്രതിയാണ് കൊല്ലപ്പെട്ട പ്രഭാകര നോണ്ട.
