ന്യൂഡല്ഹി: ഗുസ്തി താരങ്ങളുടെ സമരം താല്കാലികമായി നിര്ത്തി. ഗുസ്തി ഫെഡറേഷന് പ്രസിഡന്റെ് ബ്രിജ് ഭൂഷണിനെതിരായ ലൈംഗിക പീഡന പരാതികളില് അന്വേഷണം. ഈ മാസം 15 നകം കുറ്റപത്രം സമര്പ്പിക്കുമെന്ന് ഗുസ്തി താരങ്ങള്ക്ക് കേന്ദ്ര സര്ക്കാര് ഉറപ്പ് നല്കിയെതിനെതുടര്ന്ന സമരം താല്കാലികമായി നിര്ത്തി. താരങ്ങള്ക്കെതിരായ കേസുകളും പിന്വലിക്കും. കായിക മന്ത്രി അനുരാഗ് താക്കൂറും താരങ്ങളും തമ്മിലുള്ള ചര്ച്ചയിലാണ് തീരുമാനം.
ആഭ്യന്തര വകുപ്പ് മന്ത്രി അമിത്ഷായുമായുള്ള ചര്ച്ചക്ക് ശേഷം മായായിരുന്നു തീരുമാനം. പിന്നാലെ ഗുസ്തി താരങ്ങള് സമരത്തില് നിന്നും പിന്മാറിയെന്ന രീതിയില് വാര്ത്ത പ്രചരിച്ചു. നോര്ത്തേണ് റെയില്വേയില് ഗസറ്റഡ് റാങ്കിലുള്ള ഉദ്യോഗസ്ഥയായ സാക്ഷി മാലിക്. സമരത്തില് നിന്നും പിന്മാറിയെന്ന വാര്ത്ത തെറ്റെന്ന് ട്വിറ്ററിലും കുറിച്ചു. ആവശ്യമെങ്കില് ജോലി രാജിവെക്കാനും മടിയില്ലെന്നായിരുന്നു സാക്ഷിയുടെ പ്രതികരണം. നീതിക്ക് വേണ്ടി പോരാട്ടം തുടരും. ജോലിക്കൊപ്പം പോരാട്ടം തുടരും. തെറ്റായ വാര്ത്ത പ്രചരിപ്പിക്കരുതെന്നും സാക്ഷി ആവശ്യപ്പെട്ടു.
ഈ വര്ഷം ജനുവരി 18 നാണ് ഗുസ്തി ഫെഡറേഷൻ അധ്യക്ഷൻ ബ്രിജ് ഭൂഷനെതിരെ ലൈംഗിക ആരോപണവുമായി താരങ്ങള് രംഗത്തെത്തിയത്. ഫെഡറേഷൻ പിരിച്ചുവിടണമെന്നും ബ്രിജ് ഭൂഷനെ അധ്യക്ഷ സ്ഥാനത്ത് നിന്ന് മാറ്റണമെന്നുമുള്ള ആവശ്യങ്ങളായിരുന്നു താരങ്ങള് ഉയർത്തിയത്.
വിനേഷ് ഫോഗട്ട്, സാക്ഷി മാലിക്, ബജ്റംഗ് പൂനിയ തുടങ്ങിയ മുന്നിര താരങ്ങള് ഉള്പ്പടെയാണ് ബ്രിജ് ഭൂഷനെതിരെ പ്രതിഷേധവുമായി ജന്ദര് മന്ദിറിലിറങ്ങിയത്. മെയ് 28ന് ദില്ലിയിലെ പുതിയ പാര്ലമെന്റ് മന്ദിരത്തിലേക്കുള്ള മാര്ച്ചിനിടെ ഇവരെ ദില്ലി പോലീസ് വലിച്ചിഴച്ച് സമരവേദി പൊളിച്ചു മാറ്റിയിരുന്നു.
മെഡലുകള് ഗംഗയിലൊഴുക്കാന് സാക്ഷി മാലിക് ഉള്പ്പടെയുള്ള ഗുസ്തി താരങ്ങള് ഹരിദ്വാറിലേക്ക് നീങ്ങിയെങ്കിലും കര്ഷക സംഘടന നേതാക്കള് ഇടപെട്ട് ഇവരെ പിന്തിരിപ്പിക്കുകയായിരുന്നു.
