മഹാരാഷ്ട്രയിലെ സാംഗ്ലിയിലെ മൊഹിതേ വഡ്ഗാവ് എന്ന ഗ്രാമം കുട്ടികള്ക്കും, യുവതീ യുവാക്കള്ക്കും മൊബൈല് ഫോണിനോടും ടിവിയോടുമുള്ള അഭിനിവേശം കുറയ്ക്കാന് പുതിയൊരു പദ്ധതിയുമായി രംഗത്ത് എത്തിയിരിക്കുകയാണ്. ഇതിന്റെ ഭാഗമായി എല്ലാ ദിവസവും വൈകുന്നേരം ഒന്നരമണിക്കൂര് ഗ്രാമത്തിലെ എല്ലാ ആളുകളും മൊബൈല് ഫോണുകളും, ടെലിവിഷനുകളും ഓഫ് ചെയ്തു വെക്കണം. ആദ്യഘട്ടങ്ങളില് ചെറിയ എതിര്പ്പുകള് ഉണ്ടായിരുന്നുവെങ്കിലും ഇപ്പോള് ഗ്രാമവാസികള് മുഴുവന് പദ്ധതിയുടെ സഹകരിക്കുന്നു എന്നാണ് പദ്ധതിക്ക് മേല്നോട്ടം വഹിക്കുന്നവര് പറയുന്നത്.
കഴിഞ്ഞവര്ഷം മുതലാണ് ഇത്തരത്തില് ഒരു ശീലം ഗ്രാമവാസികള് തങ്ങളുടെ ജീവിതത്തിന്റെ ഭാഗമാക്കി തുടങ്ങിയത്. മൊബൈല് ഫോണിനോടും ടിവിയോടുമുള്ള താല്പര്യം ഗ്രാമവാസികളായ കുട്ടികള്ക്കിടയിലും, യുവതീ യുവാക്കള്ക്കിടയിലും ഗണ്യമായി വര്ദ്ധിച്ചതോടെയാണ് ഇങ്ങനെ ഒരു ഒരു തീരുമാനമെടുക്കാന് ഗ്രാമവാസികള് തീരുമാനിച്ചത്. ഗ്രാമത്തിലുള്ളവര് അവരുടെ സമയത്തിന്റെ ഭൂരിഭാഗവും മൊബൈല് ഫോണിലും, ടെലിവിഷനിലും ചെലവഴിച്ചു തുടങ്ങിയതോടെയാണ് ഇത്തരത്തില് തീരുമാനമെടുക്കാന് ഗ്രാമത്തിലെ അധികാരികള് തീരുമാനിച്ചത്. 3000 -ത്തിലധികം ആളുകളാണ് മൊഹിതേ വഡഗാവ് ഗ്രാമത്തിലുള്ളത്. എല്ലാവരും പദ്ധതിയോട് നന്നായി സഹകരിക്കുന്നതുകൊണ്ടുതന്നെ ഇത് തുടര്ന്നു പോകാന് ആണ് ഗ്രാമവാസികളുടെ തീരുമാനം
ഗ്രാമത്തിലെ മുഴുവന് ആളുകളും ഇപ്പോള് ആ ഒന്നര മണിക്കൂര് വളരെ ഫലപ്രദമായി ഉപയോഗിച്ചു തുടങ്ങിയെന്നാണ് ഗ്രാമവാസികള് പറഞ്ഞത്. കൂടുതല് ആളുകള് ഇപ്പോള് വായനയില് താല്പര്യം പ്രകടിപ്പിച്ചു തുടങ്ങിയിട്ടുണ്ടെന്നും,മാത്രമല്ല വീട്ടുകാരുമായി ഒന്നിച്ചിരുന്ന് സംസാരിക്കാന് താല്പര്യം പ്രകടിപ്പിച്ചു തുടങ്ങിയതും പദ്ധതിയുടെ ഏറ്റവും വലിയ നേട്ടമാണെന്നും ആണെന്നും ഇവര് പറയുന്നു. കൂടാതെ ഇത്തരത്തില് ഒരു സമയം മാറ്റിവയ്ക്കുന്നതിലൂടെ വിദ്യാര്ത്ഥികളായ കുട്ടികള്ക്ക് പഠനകാര്യങ്ങളില് കൂടുതല് ശ്രദ്ധിക്കാനും സാധിക്കുന്നുണ്ടെന്നും ഗ്രാമവാസികള് അഭിപ്രായപ്പെടുന്നു.
