ലോക്സഭ തെരഞ്ഞെടുപ്പില് അടുത്ത തവണയും മത്സരിക്കുമെന്ന് ബിജെപി എംപി ബ്രിജ് ഭൂഷണ്. കൈസര് ഗഞ്ചില്നിന്നും അടുത്ത ലോക്സഭാ തെരഞ്ഞെടുപ്പില് മത്സരിക്കുമെന്ന് ബ്രിജ് ഭൂഷണ് പറഞ്ഞു. ഗോണ്ടയിലെ റാലിയിലാണ് ബ്രിജ് ഭൂഷന്റെ പരാമര്ശം.
എന്നാല് ബ്രിജ് ഭൂഷനെതിരെ ലൈംഗികോരപണം ഉന്നയിച്ച വനിത ഗുസ്തി താരങ്ങളോട് ദില്ലി പോലീസ് വിചിത്ര നീക്കവുമായാണ് രംഗത്തെത്തിയിരിക്കുന്നത്. ശ്വാസപരിശോധനയുടെ പേരില് സ്വകാര്യ ഭാഗത്ത് സ്പര്ശിച്ചു, അമര്ത്തി കെട്ടിപ്പിടിച്ചു തുടങ്ങിയ ആരോപണങ്ങളില് തെളിവ് ഹാജരാക്കാനാണ് നിര്ദ്ദേശം നല്കിയിരിക്കുന്നത്. വീഡിയോ, ഓഡിയോ തെളിവുകള് ഹാജരാക്കാനും നിര്ദ്ദേശം നല്കിയിട്ടുണ്ട്. അതേസമയം ബ്രിജ് ഭൂഷനെതിരെ നടപടിയില്ലെങ്കില് കടുത്ത തീരുമാനമെടുക്കുമെന്നും പ്രശ്നം പരിഹരിച്ചില്ലെങ്കില് ഏഷ്യന് ഗെയിംസില് പങ്കെുക്കില്ലെന്നാണ് ഗുസ്തി താരങ്ങള് മുന്നറിയിപ്പ് നല്കിയിട്ടുണ്ട്.
സര്ക്കാര് ജൂണ് പതിനഞ്ചിനകം നടപടി സ്വീകരിച്ചില്ലെങ്കില് വീണ്ടും സമരം തുടങ്ങാനാണ് ഗുസ്തി താരങ്ങളുടെ തീരുമാനം. തങ്ങള്ക്ക് മേല് ഒത്തുതീര്പ്പിന് വലിയ സമ്മര്ദ്ദങ്ങളുണ്ടെന്ന് ഗുസ്തി താരങ്ങള് പറഞ്ഞു. താരങ്ങള് സര്ക്കാരുമായി നടത്തിയ ചര്ച്ചകളെ കുറിച്ച് ഹരിയാനയില് മഹാപഞ്ചായത്ത് വിളിച്ച് വിശദീകരിച്ചു. കര്ഷക നേതാക്കള് പങ്കെടുത്ത യോഗത്തില് സാക്ഷി മാലിക്കും ബജ്രംഗ് പൂനിയയും പങ്കെടുത്തിരുന്നു.
