ജോലി വാഗ്ദാനം ചെയ്ത് പണം തട്ടിയ കേസില് ഇഡി അറസ്റ്റുചെയ്ത് തമിഴ്നാട് വൈദ്യുതി- എക്സൈസ് മന്ത്രി സെന്തില് ബാലാജിയുടെ ഭാര്യ സമര്പ്പിച്ച ഹേബിയസ് കോര്പ്പസ് ഹര്ജി പരിഗണിക്കുന്നതില്നിന്ന് മദ്രാസ് ഹൈക്കോടതി ജസ്റ്റിസ് ആര്. ശക്തിവേല് പിന്മാറി. സെന്തില് ബാലാജിയുടെ ഭാര്യ എസ്. മേഘല നല്കിയ ഹര്ജി ജസ്റ്റിസുമാരായ എം. സുന്ദര്, ആര്. ശക്തിവേല് എന്നിവരടങ്ങിയ ഡിവിഷന് ബെഞ്ചിന് മുന്നിലാണ് പരിഗണനയ്ക്ക് വന്നത്. തുടര്ന്ന് ജസ്റ്റിസ് എം. സുന്ദറാണ്, തന്റെ സഹജഡ്ജിക്ക് കേസ് കേള്ക്കുന്നതില് ബുദ്ധിമുട്ടുണ്ടെന്നും . ആര്. ശക്തിവേല് പിന്മാറുകയുമാണെന്ന് അറിയിച്ചത്.
ഇന്ന് രാവിലെയാണ് സെന്തില് ബാലാജിയുടെ അറസ്റ്റിനെതിരെ മേഘല മദ്രാസ് ഹൈക്കോടതിയില് ഹര്ജി ഫയല് ചെയ്തത്. സീനിയര് കോണ്സല് എന്.ആര്. ഇളങ്കോ കേസ് അടിയന്തരമായി പരിഗണിക്കണമെന്നും നോട്ടീസൊന്നും നല്കാതെയാണ് അറസ്റ്റ് നടന്നതെന്നും കോടതിയെ അറിയിച്ചിരുന്നു
സെന്തില് ബാലാജിയെ ജയലളിത സര്ക്കാരില് മന്ത്രിയായിരിക്കെ ജോലിക്ക് കോഴ വാങ്ങിയെന്ന കേസിലാണ് ഇ.ഡി. അറസ്റ്റ് ചെയ്തത്. മന്ത്രിയുടെ വീട്ടിലും സെക്രട്ടേറിയറ്റിലെ ഓഫീസിലും കേസുമായി ബന്ധപ്പെട്ട് റെയ്ഡിനും തുടര്ന്ന് 18 മണിക്കൂര് നീണ്ട ചോദ്യംചെയ്യലിനും പിന്നാലെയായിരുന്നു നടപടി.
2011 മുതല് 2015 വരെ ജയലളിതയുടെ ഭരണകാലത്ത് ഗതാഗതമന്ത്രിയായിരുന്ന സെന്തില് ബാലാജി പിന്നീട് ഡി.എം.കെ.യില് ചേര്ന്നു. കഴിഞ്ഞമാസം ബാലാജിയുമായി ബന്ധപ്പെട്ട നാല്പ്പതോളം ഇടങ്ങളില് തുടര്ച്ചയായി എട്ടുദിവസം ആദായനികുതി റെയ്ഡ് നടന്നിരുന്നു. ഇതിന് തുടര്ച്ചയായാണ് ബാലാജിയുമായി ബന്ധപ്പെട്ട പന്ത്രണ്ടിടങ്ങളില് കഴിഞ്ഞ ദിവസം ഇ.ഡി. വീണ്ടും റെയ്ഡ് നടത്തിയത്.
