ന്യൂഡല്ഹി: ലോകത്തെ ഏറ്റവും വിലകൂടിയ വസതികളിലൊന്ന് സ്വിറ്റ്സര്ലാന്റില് സ്വന്തമാക്കി ഇന്ത്യന് ദമ്പതികള്. ഇന്ത്യന് വംശജനായ ബിസിനസുകാരന് പങ്ക് ഓസ്വാള്, ഭാര്യ രാധിക ഓസ്വാള് എന്നിവരാണ് സ്വിറ്റ്സര്ലാന്റില് ആഡംബര വസതി സ്വന്തമാക്കിയത്. 4,30,000 ചതുരശ്ര അടി വിസ്താരമുള്ള വീടിന് വിലയാകട്ടെ 200 മില്യണ് ഡോളര് (ഏകദേശം 1,639 കോടി രൂപ).
ഗ്രീക്ക് കപ്പല് വ്യവസായി ആയിരുന്ന അരിസ്റ്റോട്ടില് ഒനാസിസിന്റെ മകള് ക്രിസ്റ്റീന ഒനാസിസ് കൈവശം വച്ചിരുന്നതാണ് ആഡംബരത്തിന്റെ അവസാന വാക്കുകളില് ഒന്നായ ഈ വില്ല. സ്വിസ് ഗ്രാമമായ ജിന്ജിന്സില് സ്ഥിതി ചെയ്യുന്ന ഈ വസതിയുടെ ആല്പ്സ് മലനിരകളെ അഭിമുഖീകരിച്ചുള്ളതാണ്.
