ലോക്സഭാ തെരഞ്ഞെടുപ്പ് നടക്കാനിരിക്കെ കര്ണാടകത്തിലെ വിജയം ആവര്ത്തിക്കാന് കഴിയുമോ എന്നതാണ് കോണ്ഗ്രസ് പ്രവര്ത്തകരുടെ ആകാംഷ. ഈ സ്വപ്നങ്ങള്ക്ക് ചിറക് നല്കുന്ന ഊര്ജ്ജസ്വലമായ രീതിയില് കോണ്ഗ്രസിന്റെ സംഘടനാ തലത്തില് വന് അഴിച്ചുപണികള് വന്നേക്കുമെന്നാണ് സൂചനകള്.
പുതിയ പ്രവര്ത്തകസമിതി വരുമ്പോള് അതില് കേരളത്തില് നിന്നും ആരൊക്കെയുണ്ടാകും പ്രവര്ത്തക സമിതിയില്നിന്ന് ഒഴിയുന്ന എ.കെ. ആന്റണിക്കും ഉമ്മന്ചാണ്ടിക്കും പകരം ആരുവരും എന്നതടക്കം അനേകം ഊഹാപോഹങ്ങളാണ് പുറത്തുവന്നുകൊണ്ടിരിക്കുന്നത്. ശശിതരൂര്, മുല്ലപ്പള്ളി രാമചന്ദ്രന്, കൊടിക്കുന്നില് സുരേഷ് , രമേശ് ചെന്നിത്തല, എന്നീ പേരുകളൊന്നും ഒഴിവാക്കപ്പെട്ടേക്കില്ല.
ചില സംസ്ഥാനങ്ങളിലെ തെരഞ്ഞെടുപ്പും അടുത്ത ലോക്സഭാ തെരഞ്ഞെടുപ്പുമെല്ലാം മുന്നില് കണ്ട് പ്രവര്ത്തകസമിതി തെരഞ്ഞെടുപ്പ് ഉടന് നടന്നേക്കുമെന്നാണ് സൂചന. കെ.സി. വേണുഗോപാല് സംഘടനാ ജനറല് സെക്രട്ടറി സ്ഥാനത്തുതന്നെ തുടരാനും ശശി തരൂരിന് പ്രവര്ത്തക സമിതിയില് സ്ഥാനം നല്കാനും സാധ്യത പ്രവചിക്കപ്പെടുന്നുണ്ട്. രമേശ് ചെന്നിത്തലയ്ക്കും പരിഗണന കിട്ടിയേക്കും.
എ.ഐ.സി.സി. അധ്യക്ഷസ്ഥാനത്തേക്ക് മത്സരിച്ച തരൂര് 1000-ല് അധികം വോട്ട് നേടിയിരുന്നത് പരിഗണന ആയേക്കും. ഖാര്ഗേയുമായുള്ള അടുപ്പം രമേശിനും തുണയായേക്കുമെന്ന് കരുതുന്നു. പ്രവര്ത്തക സമിതി യില് നിന്നും അവഗണിച്ചാല് തരൂരിനെ പാര്ട്ടിയ്ക്ക് നഷ്ടമായേക്കുമെന്ന് ആശങ്കപ്പെടുന്ന വിഭാഗവുമുണ്ട്.
ഖാര്ഗേയ്ക്ക് അടുത്തകാലത്ത് വലിയ തലവേദന ഉണ്ടാക്കിയ നിയമസഭാ തിരഞ്ഞെടുപ്പ് നടക്കാനിരിക്കുന്ന രാജസ്ഥാനിലെ അശോക് ഗഹ്ലോട്ട് - സച്ചിന് പൈലറ്റ് പോര് പരിഹരിക്കുകയാണ് ആദ്യ കാര്യം. സച്ചിനെ പ്രവര്ത്തക സമിതിയില് ഉള്പ്പെടുത്തി ഏതെങ്കിലും സംസ്ഥാനത്തിന്റെ ചുമതല നല്കാന് സാധ്യതയുണ്ട്.
രാജസ്ഥാനില് തെരഞ്ഞെടുപ്പ് നടക്കാനിരിക്കെ അദ്ദേഹം നാട്ടില് നിന്നും മാറി നിന്നേക്കാന് സാധ്യതയില്ലെന്ന കാര്യം കൂടി പരിഗണിച്ചാകും ഫലപ്രദമായ ഒരു അന്തിമ തീരുമാനം എടുക്കാനാകുക. ഉത്തര്പ്രദേശിന്റെ ചുമതല ഒഴിഞ്ഞ ദേശീയ ജനറല് സെക്രട്ടറി പ്രിയങ്കാഗാന്ധിയുടെ സ്ഥാനവും നിര്ണ്ണായകമായിരിക്കും.
തിരഞ്ഞെടുപ്പ് നടക്കാനിരിക്കുന്ന മധ്യപ്രദേശിലും തെലങ്കാനയിലും പ്രചാരണങ്ങളുടെ ചുമതല പ്രിയങ്കയ്ക്കുണ്ട്. കര്ണാടകത്തിലെ പോലെ 2024-ലെ ലോക്സഭാ തിരഞ്ഞെടുപ്പിലും ഞെട്ടിക്കുന്ന ഫലം കിട്ടാന് സാഹചര്യമൊരുക്കുന്ന മികച്ച ടീമിനെയാണ് ഖാര്ഗേ ലക്ഷ്യമിടുന്നത്. അദ്ധ്യക്ഷനെ തീരുമാനിച്ചതിന് പിന്നാലെ തന്നെ നടക്കേണ്ട പ്രവര്ത്തകസമിതി തെരഞ്ഞെടുപ്പ് നീളാന് കാരണം കര്ണാടക തെരഞ്ഞെടുപ്പായിരുന്നു.
