ലഖ്നൗ: കൊള്ളത്തലവനും രാഷ്ട്രീയ നേതാവുമായ കൊല്ലപ്പെട്ട അതിഖ് അഹമ്മദില് നിന്നും പിടിച്ചെടുത്ത ഭൂമിയില് 76 കുടുംബങ്ങള്ക്ക് താമസിക്കാന് ഫ്ളാറ്റ് നഇര്മ്മിച്ച് ഉത്തര്പ്രദേശ് മുഖ്യമന്ത്രി യോഗി ആദിത്യനാഥ്. പ്രയാഗ്രാജിലാണ് ഫ്ളാറ്റ് നിര്മ്മിച്ചിരിക്കുന്നത്. പ്രധാന്മന്ത്രി ആവാസ് യോജന പദ്ധതി പ്രകാരമാണ് ഫ്ളാറ്റ് നിര്മ്മിച്ചത്. നറുക്കെടുപ്പിലൂടെയാണ് ഗുണഭോക്താക്കളെ തിരഞ്ഞെടുത്തത്.
ഫ്ളാറ്റുകളുടെ ഉടമസ്ഥാനവകാശം മുഖ്യമന്ത്രിയും ഉപമുഖ്യമന്ത്രി കേശവ് മൗര്യയും ചേര്ന്ന് ഗുണഭോക്താക്കള്ക്ക് കൈമാറി. 421 ചതുരശ്ര മീറ്ററാണ് ഓരോ ഫ്ളാറ്റിന്റെയും വിസ്തീര്ണം. രണ്ട് മുറികള്, അടുക്കള, ഒരു ശുചിമുറി എന്നിവയുണ്ട്. 6,000 പേരാണ് പ്രയാഗ്രാജ് ഡെവലപ്മെന്റ് അതോറിറ്റിയില് ഫ്ളാറ്റിന് അപേക്ഷിച്ചിരുന്നത്. നറുക്കെടുപ്പില് പങ്കെടുക്കാന് 1,590 പേരെ യോഗ്യതയുടെ അടിസ്ഥാനത്തില് തിരഞ്ഞെടുത്തിരുന്നു.
പാവപ്പെട്ടവരില് നിന്നും കച്ചവടക്കാരില് നിന്നും സര്ക്കാര് ഭൂമിയും ഒരുകാലത്ത് മാഫിയ പിടിച്ചെടുത്തിരുന്നു. ഈ ഭൂമി തിരിച്ചുപിടിച്ച് പാവപ്പെട്ടവര്ക്ക് വീട് നിര്മ്മിച്ചുനല്കുകയാണ് ഇപ്പോള്് ഇത് വലിയൊരു നേട്ടമാണെന്നും മുഖ്യമന്ത്രി പറഞ്ഞു.
നൂറിലേറെ ക്രിമിനല് കേസുകളില് പ്രതിയായ അതിഫ് അഹമ്മദിനെയും സഹോദരന് അഷ്റഫ് അറമ്മദിനെയും പോലീസ് പ്രയാഗ്രാജിലെ ആശുപത്രിയില് കൊണ്ടുപോകുന്നതിനിടെ ഇക്കഴിഞ്ഞ ഏപ്രിലില് രണ്ട് പേര് കെവടിവച്ച് കൊല്ലുകയായിരുന്നു. ഏതാനും കേസുകളില് ജിവപര്യന്തം തടവുശിക്ഷ ലഭിച്ച അതിഖും സഹോദരനേയും കൊല്ലപ്പെടുന്നതിനു ഏതാനും ദിവസം മുന്പാണ് പോലീസ് കസ്റ്റഡിയില് എടുത്തത്.
