ഗര്ഭകാലം വളരെ സങ്കീര്ണമായ കാലഘട്ടമാണ്. പലതരം പ്രശ്നങ്ങളിലൂടെയായിരിയ്ക്കും ഈ ഘട്ടത്തില് കടന്നു പോകുന്നത്. സ്ത്രീകള് ഏറ്റവും അധികം നേരിടുന്ന പ്രശ്നമാണ് ഗര്ഭകാലത്തെ ഛര്ദ്ദി. ചിലര്ക്ക് ഗര്ഭകാലത്ത് കുറച്ച് മാസങ്ങള് മാത്രമായിരിയ്ക്കും ഈ പ്രശ്നം ഉണ്ടായിരിയ്ക്കുക. എന്നാല് മറ്റൊരു വിഭാഗത്തിന് ഗര്ഭകാലം അവസാനിയ്ക്കുന്നിടം വരെ ഛര്ദ്ദി ഉണ്ടായിരിയ്ക്കും
ഗര്ഭകാലഘട്ടത്തില് അതിതീവ്രമായി ഛര്ദ്ദിക്കേണ്ടി വന്ന യുവതിയ്ക്ക് തന്റെ വായിലെ പല്ല് മുഴുവന് നഷ്ടപ്പെട്ട സംഭവമാണ് ഇപ്പോള് പുറത്ത് വരുന്നത്. യു.കെയിലെ ലൂയിസ് കൂപ്പര് എന്ന 26-കാരിയ്ക്കാണ് ഈ പ്രശ്നം നേരിട്ടത്. 2017-ല് ആദ്യമായി ഗര്ഭിണിയായ സാഹചര്യത്തിലാണ് ഇവര് ഈ ആരോഗ്യ പ്രതിസന്ധി നേരിട്ടത്. ഛര്ദ്ദി സ്ഥിരമായതും, ഏതാനും പല്ലുകള് തുടക്കത്തില് വീണു. അതി തീവ്രമായി ഛര്ദ്ദിക്കേണ്ടി വന്ന ഹൈപ്പര്മെസിസ് ഗ്രാവിഡാരം എന്ന അവസ്ഥയിലൂടെയാണ് അവര് കടന്നു പോയത്. ഗര്ഭിണികളില് ഒരു ശതമാനം പേരെ ഇത് ബാധിക്കും എന്ന് റിപ്പോര്ട്ടുകളുണ്ട്.
ഛര്ദ്ദിയിലെ ആസിഡിന്റെ അംശം മൂലം എല്ലാ പല്ലുകളും നീക്കം ചെയ്യേണ്ടതായി വന്നു. പ്രസവം കഴിഞ്ഞതും ഛര്ദ്ദിയുടെ ലക്ഷണങ്ങളും അവസാനിച്ചു. വീണ്ടും രണ്ടു തവണ കൂടി അവര് ഗര്ഭം ധരിച്ചു. അപ്പോഴും ഇതേ ഛര്ദ്ദി നേരിടേണ്ടതായി വന്നു. പല്ലുകള് ഇല്ലാത്ത ജീവിതവുമായി കൂപ്പര് പൊരുത്തപ്പെട്ടു തുടങ്ങി. പക്ഷേ ഒന്പത് മാസത്തോളം ഛര്ദ്ദിച്ച് അവശയായി, ഒരേ കിടപ്പു കിടക്കേണ്ടി വരുന്ന അവസ്ഥ മറ്റൊന്നാണ് എന്ന് കൂപ്പര് പറയുന്നു. പിന്നീട് ഏറെ ഭക്ഷണ നിയന്ത്രണവും വേണ്ടി വന്നു. ഇപ്പോള് മാംസാഹാരങ്ങള് കഴിക്കാന് സാധിയ്ക്കില്ല. പച്ചക്കറികള് മാത്രമാണുള്ളത്. വെപ്പ് പല്ലുകള് ഉണ്ടെങ്കിലും, അതില്ലാതെ പുറത്തു പോകാന് പഠിച്ചു കഴിഞ്ഞെന്നും കൂപ്പര് പറയുന്നു
