പ്രതിപക്ഷ നേതാവ് വി. ഡി. സതീശനെതിരായ പുനര്ജനി പദ്ധതിയുമായി ബന്ധപ്പെട്ട അന്വേഷണം ആസൂത്രിത ഭരണകൂട വേട്ടയെന്ന് മുസ്ലിം ലീഗ് നേതാവ് കെ എം ഷാജി. അന്വേഷണ ഏജന്സികള് അധികാരികളുടെ മുന്പില് മുട്ടുമടക്കാത്തവര്ക്കെതിരെയാണ്.
വി. ഡി സതീശനെതിരെ വിദേശ ഫണ്ട് ഉപയോഗിച്ചതിനാണ് കേസെടുത്തത്. രക്തസാക്ഷിയുടെ ഫണ്ട് അടിച്ച് മാറ്റിയവരാണിത് പറയുന്നതെന്നും ഷാജി കുറ്റപ്പെടുത്തി. പിവി അന്വര് വീടില്ലാത്തവന്റെ ഭൂമിയടക്കം അടിച്ചു മാറ്റുകയാണ് . എന്നാല് അതേസമയം പറവൂരില് വീട് ഇല്ലാത്തവര്ക്ക് വീട് നല്കുകയാണ് സതീശനെന്നും ഷാജി പറഞ്ഞു.
ഇടത് സര്ക്കാരിന്റെ കാലത്ത് സംസ്ഥാനത്ത് നായ്ക്ക് ബിസ്ക്കറ്റ് വാങ്ങുന്നതിലും അഴിമതിയാണ്. കേസ് അന്വേഷിക്കാന് നായ പോവാത്തത് കൊണ്ട് നായക്ക് എന്തിനാ ബിസ്ക്കറ്റെന്നാണോ? സിപിഎമ്മിന്റെ ജില്ലാ സെക്രട്ടറിയല്ലേ കേസ് അന്വേഷിക്കുന്നത്. പിന്നെ എന്തിനാണ് നായയെന്നും ഷാജി പരിഹസിച്ചു. സിപിഎം ഏക സിവില് കോഡുമായി ബന്ധപ്പെട്ട് വര്ഗീയ വത്ക്കരണത്തിലാണ് ശ്രമം. സെമിനാര് സംഘടിപ്പിക്കേണ്ടത് ഏക സിവില് കേഡിലാണോയെന്ന് ചോദ്യമുയര്ത്തിയ ഷാജി മണിപ്പൂര് വിഷയമാണ് ചര്ച്ച ചെയ്യേണ്ടതെന്ന് കൂട്ടിച്ചേര്ത്തു.
