പങ്കാളിയെ വാടകയ്ക്കെടുക്കാൻ സാധിയ്ക്കുമെന്നു പറഞ്ഞാല് നിങ്ങൾ ഞെട്ടില്ലേ? എന്നാല് കേട്ടോളൂ... ഒരു പങ്കാളിയെ വാടകയ്ക്കെടുക്കാൻ കഴിയുന്ന ഒരു വെബ്സൈറ്റ് ജപ്പാനിൽ നിലവിലുണ്ട്. ജപ്പാനിലെ നിരവധി വ്യക്തികൾ നേരിടുന്ന ഏകാന്തതയ്ക്കുള്ള പരിഹാരമായാണ് ഇത് നടപ്പിലാക്കി വരുന്നത്. ജാപ്പനീസ് സർക്കാർ ആണ് നിയന്ത്രിക്കുകയും നടപ്പിലാക്കുകയും ചെയ്യുന്നത്. ഇതിലൂടെ നിങ്ങൾക്ക് പങ്കാളിയെ മാത്രമല്ല, സുഹൃത്തുക്കളെയും കുടുംബാംഗങ്ങളെയും വരെ വാടകയ്ക്കെടുക്കാന് സാധിയ്ക്കും.
രണ്ട് മണിക്കൂർ നേരത്തേക്ക് 6,000 യെൻ അതായത് 3,000 രൂപയിൽ കൂടുതൽ നല്കി ഒരു വ്യക്തിയെ ബുക്ക് ചെയ്യാൻ സാധിക്കും. അവരുടെ സമയം കൂടുതൽ ആവശ്യമാവുകയാണ് എങ്കിൽ പിന്നീടുള്ള ഓരോ മണിക്കൂറിനും അധിക ചാർജ് ആയി 2,000 യെൻ അതായത്ഏതാണ്ട് 1200 രൂപ കൂടുതല് അടയ്ക്കണം. കാമുകിമാരെ വാടകയ്ക്ക് നൽകുന്ന ഒരു ഏജൻസിയാണ് ഷിഹോ.
