ഉപ്പുതറ: തോട്ടം മേഖലയില് നിന്നും നീറ്റ് പരീക്ഷയില് മികച്ച വിജയംനേടി വിദ്യാര്ഥിനി. ഉപ്പുതറ പത്തേക്കര് തോട്ടരുകില് െബെജുവിന്റെ മകള് ആന്സി മോളാണ് കേരള കാറ്റഗറിയില് ഒന്പതാം റാങ്ക് നേടിയത്.
പരിമിതമായ ചുറ്റുപാടില് ജനിച്ചുവളന്ന ആന്സിക്ക് ട്യൂഷന് നല്കാന് പോലും മാതാപിതാക്കള്ക്ക് സാമ്പത്തിക ഭദ്രതയുണ്ടായിരുന്നില്ല. ഹയര്സെക്കന്ഡറിയില് അഞ്ച് എ പ്ലസും ഒരു എയും നേടിയാണ് വിജയിച്ചത്.
ചെറുപ്പം മുതല് ഒരു ഡോക്ടറാവണവണമെന്നായിരുന്നു ആന്സിയുടെ മോഹം. ഇത് തിരിച്ചറിഞ്ഞ മാതാപിതാക്കള് തങ്ങളുടെ പരാധീനതകള് മാറ്റിവെച്ച് കോട്ടയത്ത് സ്വകാര്യ സ്ഥാപനത്തില് നീറ്റ് പരിശീലനത്തിനയച്ചു. കഴിഞ്ഞ വര്ഷം പരീക്ഷയെഴുതിയെങ്കിലും വിജയം കണ്ടില്ല. തുടര്ന്നും വീട്ടിലിരുന്ന് പഠനം തുടര്ന്നു.
വീണ്ടും പരീക്ഷ എഴുതി വിജയം കാണുകയും കേരള കാറ്റഗറിയില് ഒന്പതാം റാങ്കില് എത്തുകയുമായിരുന്നു. ഇതോടെ എം.ബി.ബി.എസ് പ്രവേശന നടപടികള് ആരംഭിക്കുകയും ചെയ്തു.
സി.എസ്.ഐ സഭയിലെ സുവിശേഷകനായ െബെജുവിന്റെയും ഭിന്നശേഷിക്കാരിയായ സിന്ധുവിന്റെയും രണ്ട് മക്കളില് മൂത്തയാളാണ് ആന്സി. ഇളയ സഹോദരി അനീറ്റ െഹെസ്കൂള് വിദ്യാര്ഥിനിയാണ്. ആന്സിയുടെ വിജയമറിഞ്ഞ് ഉപ്പുതറ പഞ്ചായത്തംഗങ്ങള് വീട്ടിലെത്തി ആദരിച്ചു.
ഉപ്പുതറ പഞ്ചായത്ത് പ്രസിഡന്റ് കെ.ജെ. ജയിംസ് ഷാള് അണിയിക്കും ഉന്നത വിജയം ആശംസിക്കുകയും ചെയ്തു. ഉപ്പുതറ പഞ്ചായത്ത് െവെസ് പ്രസിഡന്റ് സരിത, പഞ്ചായത്തംഗങ്ങളായ സിനി ജോസഫ് , ഷീബ സത്യനാഥ്, ജയിംസ് തോക്കൊമ്പില് എന്നിവരും ഒപ്പമുണ്ടായിരുന്നു.
