കണ്ണൂര്: മുഖ്യമന്ത്രിയുടെ മണ്ഡലത്തില് വരുന്ന പഞ്ചായത്തിലെ വാര്ഡില് സിപിഎം സ്ഥാനാര്ത്ഥി ജയിച്ചു കയറിയത് ഒമ്പത് വോട്ടിന്. അപരന് കൂടി മത്സരിപ്പിച്ചില്ലായിരുന്നെങ്കില് ഒരു വോട്ടിന് ജയം നേടേണ്ട സ്ഥിതിയുണ്ടായേനെയെന്നത് സിപിഎമ്മിനെ ഇരുത്തി ചിന്തിപ്പിക്കുകയാണ്. ഉപ തെരഞ്ഞെടുപ്പ് നടന്ന ധര്മ്മടം പഞ്ചായത്തിലെ പരീക്കടവ് വാര്ഡിലാണ് ഇടതു സ്ഥാനാര്ത്ഥിയായിരുന്ന സിപിഎംകാരി ഞെരുങ്ങി വിജയിച്ചത്.
ജയിച്ചത് ബി. ഗീതമ്മയായിരുന്നു. ഇവര് 557 വോട്ടുകള് നേടിയപ്പോള് എതിരാളിയായിരുന്ന യുഡിഎഫ് സ്ഥാനാര്ത്ഥി എം. സുരേഷ് 548 വോട്ടുകള് നേടി. അപരനായി മത്സരിച്ച സുരേശന് എട്ടു വോട്ടുകള് പിടിച്ചിരുന്നു. കഴിഞ്ഞ തവണ 336 വോട്ടു കിട്ടിയ സ്ഥാനത്ത് ബിജെപി സ്ഥാനാര്ത്ഥിക്ക് ഇത്തവണ കിട്ടിയത് 244 വോട്ടുകളാണ്. കഴിഞ്ഞ തവണ നിന്ന കോണ്ഗ്രസിന്റെ ചന്ദ്രന് മത്സരിച്ചപ്പോള് 375 വോട്ടുകളാണ് കിട്ടിയത്.
