ന്യൂയോര്ക്ക്: മൂന്ന് മിനിറ്റിനുള്ളില് 15,000 അടിയിലേക്ക് വിമാനം താഴ്ന്നു പറന്നത് യാത്രക്കാരെ പരിഭ്രാന്തിയിലാക്കി. അമേരിക്കന് എയര്ലൈന്സിന്റെ ഫ്ലൈറ്റ് 5916 ആണ് യാത്രക്കാരെ നടുക്കിയത്.
ഫോക്സ് ന്യൂസ് പുറത്തുവിട്ട റിപ്പോര്ട്ട് അനുസരിച്ച് നോര്ത്ത് കരോലിനയിലെ ഷാര്ലറ്റില് നിന്ന് ഫ്ളോറിഡയിലെ ഗെയ്നസ്വില്ലെയിലേക്ക് പോയതായിരുന്നു വിമാനം. വിമാനത്തിലെ യാത്രക്കാരനും ഫ്ലോറിഡ സര്വകലാശാലയിലെ പ്രൊഫസറുമായ ഹാരിസണ് ഹോവ് തന്റെ ദുരനുഭവം സോഷ്യല് മീഡിയയില് പോസ്റ്റ് ചെയ്തിട്ടുണ്ട്. ''സംഭവം ഞെട്ടിക്കുന്നതാണെന്നും കത്തുന്നതിന്റെ ഗന്ധവും കാതടപ്പിക്കുന്ന പൊട്ടിത്തെറിയും ചെവികൊട്ടിയടച്ചതും ക്യാമറകള്ക്ക് പിടിച്ചെടുക്കാന് കഴിയല്ലല്ലോ.''
ഓക്സിജന് മാസ്ക്കുകള് തൂക്കിയിട്ടിരിക്കുന്നതും ശ്വാസിക്കാന് പാടുപെടുന്നതിന്റെയുമെല്ലാം ചിത്രങ്ങള് സാമൂഹ്യമാധ്യമമായ എക്സില് പോസ്റ്റ് ചെയ്തിട്ടുണ്ട്. '' അനേകം തവണ വിമാനയാത്ര നടത്തിയിട്ടുണ്ടെങ്കിലും ഇത് ഭയാനകം ആണെന്നുമായിരുന്നു വിമാനത്തിലെ ക്യാബിന് ക്രൂ സ്റ്റാഫുകള്ക്കും പൈലറ്റുകള്ക്കും അഭിനന്ദനമെന്നും പറഞ്ഞിട്ടുണ്ട്. വെറും 43 മിനിറ്റ് മാത്രം ദൈര്ഘ്യമുള്ള യാത്രയില് 11 മിനിറ്റിനുള്ളില് വിമാനം 20,000 അടിവരെ താഴ്ന്നതായും വെറും ആറു മിനിറ്റിനുള്ളില് 18,600 അടിയിലേക്കും പോയെന്നുമാണ് ഫ്ളൈറ്റ് അവേയര് പങ്കുവെച്ചിട്ടുള്ള വിവരം. യാത്രക്കാര്ക്ക് വന്ന അസൗകര്യത്തില് വിമാനക്കമ്പനി മാപ്പും പറഞ്ഞിട്ടുണ്ട്.
