കൊച്ചി: എറണാകുളം - അങ്കമാലി അതിരൂപതയിലെ െെവദികര്ക്കു ഏകീകൃത കുര്ബാന നടപ്പാക്കാന് അന്ത്യശാസനവുമായി വത്തിക്കാന് പ്രതിനിധി. 20 ന് അകം എല്ലാ പള്ളികളിലും ഏകീകൃത കുര്ബാന നടപ്പാക്കണമെന്നാണു മാര്പാപ്പയുടെ പ്രതിനിധി ആര്ച്ച് ബിഷപ്പ് മാര് സിറില് വാസിലിന് അന്തിമ ഉത്തരവിലൂടെ ആവശ്യപ്പെട്ടത്. ഉത്തരവു നടപ്പാക്കാത്തവര്ക്കെതിരേ കര്ശന നടപടിയെടുക്കുമെന്നും സര്ക്കുലറില് വ്യക്തമാക്കുന്നു.
ഏകീകൃത കുര്ബാന നടപ്പാക്കുന്നതുമായി ബന്ധപ്പെട്ടു കഴിഞ്ഞ വര്ഷം മാര്ച്ച് 22 നു മാര്പാപ്പ നല്കിയ കത്ത് പള്ളികളില് വായിക്കണം, ഇതിന്റെ സാക്ഷ്യപത്രം പള്ളി വികാരിയും െകെക്കാരന്മാരും ഒപ്പിട്ട് അതിരൂപത കൂരിയായിലേക്ക് അയയ്ക്കണം ഇല്ലെങ്കില് മാര്പാപ്പയോടുള്ള അനുസരണക്കേടായി കണക്കാക്കി കാനോനിക നടപടിയുണ്ടാകുമെന്നും ആര്ച്ച് ബിഷപ്പ് സിറില് വാസില് വ്യക്തമാക്കി.
അടുത്ത ഞായറാഴ്ച മുതല് അതിരൂപതയിലെ പള്ളികളില് സിനഡ് തീരുമാനപ്രകാരമുള്ള ഏകീകൃത കുര്ബാന ചൊല്ലിത്തുടങ്ങണമെന്നാണ് ആര്ച്ച് ബിഷപ്പിന്റെ നിര്ദേശം. സിനഡ് അംഗീകരിച്ച കുര്ബാന ചൊല്ലേണ്ടതു െവെദികരുടെ കടമയാണെന്നും മാര് സിറില് വാസില് വ്യക്തമാക്കി.
തുടര്ച്ചയായ പ്രതിഷേധത്തിന്റെയും തിരസ്കരണത്തിന്റെയും ഫലം സഭയ്ക്കു വലിയ ദോഷം വരുത്തുമെന്നു കഴിഞ്ഞദിവസം ആര്ച്ച് ബിഷപ്പ് പ്രസംഗത്തില് വ്യക്തമാക്കിയിരുന്നു. ഏതാവശ്യങ്ങള് ഉന്നയിച്ചാണെങ്കിലും ക്രൈസ്തവരുടെ സംസ്കാരത്തിനു നിരക്കാത്ത ഇത്തരം പ്രതിഷേധങ്ങളില്നിന്നു ബന്ധപ്പെട്ടവര് പിന്മാറണമെന്നും അദ്ദേഹം ആവശ്യപ്പെട്ടു.
കൊച്ചി: എറണാകുളം - അങ്കമാലി അതിരൂപതയിലെ ഏകീകൃത കുര്ബാന തര്ക്കം പരിഹരിക്കാനെത്തിയ വത്തിക്കാന് പ്രതിനിധിക്കെതിരേ പരാതി. ഗ്രീക്കുകാരനായ ആര്ച്ചുബിഷപ്പ് സിറില് വാസിലിനെിതിരേ കേന്ദ്ര ആഭ്യന്തര മന്ത്രാലയത്തിനും പ്രധാനമന്ത്രിക്കും എറണാകുളം- അങ്കമാലി അതിരൂപതയിലെ െവെദികരാണു പരാതി നല്കിയത്.
സിറില് വാസിലിന്റെ ഉത്തരവുകളും നടപടികളും വിസ ചട്ടങ്ങളുടെ ലംഘനമെന്ന് ആരോപിച്ചാണു വിമതവിഭാഗം ആഭ്യന്തര മന്ത്രാലയത്തിനു കത്തയച്ചത്. സംസ്ഥാന സര്ക്കാരും പോലീസും വിദേശ പൗരനായ സിറില് വാസിലിനു ഭരണഘടനാ വിരുദ്ധമായി സഹായം ചെയ്യുന്നതായും പരാതിയില് പറയുന്നു.
വിദേശിയായ സിറില് വാസില് അനാവശ്യമായി പ്രശ്നങ്ങള് ഉണ്ടാക്കുന്നുവെന്നുകാണിച്ചു രാഷ്ട്രപതിക്കും പ്രധാനമന്ത്രിക്കും വിദേശകാര്യമന്ത്രിക്കും ഉള്പ്പടെ വിമതവിഭാഗം പരാതി നല്കിയിട്ടുണ്ട്.
ടൂറിസ്റ്റ് വിസയിലെത്തിയ ഇദ്ദേഹം മാര്പാപ്പയുടെ പ്രതിനിധിയാണെന്നു പറയുന്നു. എന്നാല്, ഇതുവരെ നിയമന ഉത്തരവു പുറത്തുവിട്ടിട്ടില്ല. സംഘര്ഷമുണ്ടെന്ന് അറിഞ്ഞു തന്നെയാണു സിറിള് വാസില് സെന്റ് മേരീസ് ബസലിക്കയിലെത്തിയത്. ബസിലിക്ക സന്ദര്ശനം ഒഴിവാക്കേണ്ടതിനു പകരം ബോധപൂര്വം സംഘര്ഷത്തിനു കാരണമാകുകയായിരുന്നു. ഒരു വിദേശ പൗരന് മറ്റൊരു രാജ്യത്തുവന്നു സമുദായസംഘര്ഷമുണ്ടാക്കുകയാണ്. അതിനാല്, ഇദ്ദേഹത്തിന്റെ വിസ റദ്ദാക്കി തിരിച്ചയക്കണമെന്നും െവെദികര് ആവശ്യപ്പെടുന്നു.
മാര്പാപ്പയുടെ കത്ത് ഈ മാസം 20 നു പള്ളികളില് വായിക്കണമെന്ന ആര്ച്ച് ബിഷപ് സിറിള് വാസിലിന്റെ നിര്ദ്ദേശം അംഗീകരിക്കില്ലെന്ന് എറണാകുളം-അങ്കമാലി അതിരൂപത സംരക്ഷണ സമിതി അറിയിച്ചു. ഇന്നലെ സെന്റ് മേരീസ് ബസിലിക്കയ്ക്കു മുന്നില് പ്രതിഷേധയോഗം നടത്തിയശേഷം ആര്ച്ച് ബിഷപ്പിന്റെ സര്ക്കുലര് കത്തിച്ചു. നിരവധി വിശ്വാസികളും െവെദികരും വത്തിക്കാന് പ്രതിനിധിയുടെ സര്ക്കുലര് കത്തിച്ചു പ്രതിഷേധിച്ചു.
