പരസ്പരം മനസിലാക്കിയുള്ള വിട്ടുകൊടുക്കലാണ് ഞങ്ങളുടെ ദാമ്പത്യത്തിന്റെ വിജയരഹസ്യമെന്ന് സിന്ധു കൃഷ്ണ പറയുന്നു. ക്യുആന്ഡ്എയിലെ ചോദ്യങ്ങള്ക്ക് മറുപടിയേകുന്നതിനിടയിലായിരുന്നു അവര് ഇതേക്കുറിച്ച് സംസാരിച്ചത്.
സന്തോഷകരമായ ദാമ്പത്യ ജീവിതത്തിന് പിന്നിലെ കാരണത്തെക്കുറിച്ചുള്ള ചോദ്യവുമുണ്ടായിരുന്നു. മെജോറിറ്റി കപ്പിള്സിന് മിക്കപ്പോഴും എന്തെങ്കിലും ഇഷ്യൂസ് കാണും. എന്തുണ്ടായാലും എനിക്കൊരു കുന്തവുമില്ല എന്നങ്ങ് വിചാരിച്ചാല് മതി. പിന്നെ പ്രശ്നമുണ്ടാകില്ല. അതങ്ങ് വിട്ടുകളയുക. ഞാനും കിച്ചുവുമായി വലിയ വഴക്കുകളൊക്കെ ഉണ്ടാവാറുണ്ട്. അത് ഞാനങ്ങ് വിടും, അതുപോലെ കിച്ചുവും വിടും. കുറച്ച് സമയം ദേഷ്യമൊക്കെ തോന്നും. പിന്നീടങ്ങ് മാറും. വിട്ട് കളയുന്നതാണ് സന്തോഷകരമായ കുടുംബജീവിതത്തിന് നല്ലത്.
ഞാനും കിച്ചുവും വിവാഹിതരായിട്ട് 28 വര്ഷം കഴിഞ്ഞു. 150 പ്രാവശ്യമെങ്കിലും ഡിവോഴ്സിലേക്ക് പോകാവുന്ന തരത്തിലുള്ള ഫൈറ്റൊക്കെയുണ്ടായിട്ടുണ്ട്. മുഖത്ത് നോക്കാതെയൊക്കെ ഇരുന്നിട്ടുണ്ട്. പിന്നീടെന്തെങ്കിലും കാര്യം വരുമ്പോള് സംസാരിച്ച് തുടങ്ങും.വലിയ കാര്യങ്ങളെക്കുറിച്ചല്ല ഞാന് സംസാരിച്ചത്. വീട്ടിനുള്ളിലുണ്ടാവുന്ന നിസാര വഴക്കുകളെക്കുറിച്ചാണെന്നും അവര് വിശദീകരിച്ചിരുന്നു.
വീട്ടിലെ ഫുഡ് തന്നെയാണ് മക്കള്ക്കെല്ലാം കൊടുത്തിരുന്നത്. വലുതായപ്പോള് അതൊക്കെ മാറി. അതുപോലെ കുഞ്ഞായിരുന്ന സമയത്ത് മഴ കൊള്ളിക്കുകയും, രാത്രിയില് കുളിപ്പിക്കുകയുമൊക്കെ ചെയ്യാറുണ്ട്. അവര്ക്ക് പനിയൊന്നും വന്നിട്ടില്ല. ഇമ്മ്യൂണിറ്റിക്ക് വേണ്ടിയൊന്നും ചെയ്യാന് എനിക്ക് സമയം കിട്ടിയിരുന്നില്ല. പെട്ടെന്ന് അസുഖം വരുമ്പോള് ഹോമിയോ മരുന്നായിരുന്നു കൊടുത്തിരുന്നത്. അവരുടെ കൈയ്യില് തന്നെ ബോട്ടിലൊക്കെ കൊടുത്ത് കഴിക്കാന് പറയും. അസുഖം കൂടിയാല് അലോപ്പതിയിലേക്ക് മാറ്റാറുമുണ്ട്.
ജീവിതത്തില് ഏറ്റവും പേടിക്കുന്ന കാര്യത്തെക്കുറിച്ച് ചോദിച്ചപ്പോള് മരണമെന്നായിരുന്നു സിന്ധു കൃഷ്ണ പറഞ്ഞത്. പ്രിയപ്പെട്ടവര് നമ്മെ വിട്ടുപോവുന്നത് ഓര്ക്കുമ്പോഴേ പേടിയുള്ള കാര്യമാണ്. ഞാനും ഇഷാനിയും മരണത്തെക്കുറിച്ചൊക്കെ സംസാരിക്കാറുണ്ട്. ജീവിതത്തിലെ ഏതെങ്കിലും പോയിന്റില് അത് ഫെയ്സ് ചെയ്യേണ്ടി വരും. അങ്ങനെയെന്തെങ്കിലും വന്നാല് എങ്ങനെ ഹ്യാന്ഡില് ചെയ്യും എന്നൊന്നും അറിയില്ലെന്നുമായിരുന്നു അവര് പറഞ്ഞത്.
