റഷ്യയുടെ ആദ്യ ചാന്ദ്ര ദൗത്യമായിരുന്ന ലൂണ - 25 തകര്ന്നു വീണതോടെ ബഹിരാകാശ ഗവേഷണ രംഗത്തെ റഷ്യയുടെ സ്വപ്നങ്ങള്ക്ക് മങ്ങലേറ്റിരിക്കുകയാണ്. ചാന്ദ്രോപരിതലത്തില് ലാന്റിങിന് മുന്നോടിയായിലുള്ള പ്രശ്നങ്ങള് കാരണം ലൂണ 25 തകര്ന്നു വീണതിന് പിന്നാലെ റഷ്യയിലെ മുതിര്ന്ന ഭൗതികശാസ്ത്രജ്ഞനും ബഹിരാകാശവിദഗ്ധനുമായ മിഖൈല് മാരോവിനെ ആശുപത്രിയില് പ്രവേശിപ്പിച്ചു. ദൗത്യ പരാജയത്തിന് ശേഷം 90 വയസുകാരനായ അദ്ദേഹത്തിന് സാരമായ ആരോഗ്യ പ്രശ്നങ്ങളുണ്ടായതായി ദ ഇന്ഡിപെന്റന്ഡ് റിപ്പോര്ട്ട് പറയുന്നു.
മിഖൈല് മാരോവിനെ ലൂണ തകര്ന്ന് മണിക്കൂറുകള്ക്കകം ആശുപത്രിയില് പ്രവേശിപ്പിച്ചു. പരാജയം വലിയ ആഘാതമാണ് അദ്ദേഹത്തിനുണ്ടാക്കിയതെന്ന് റിപ്പോര്ട്ടുകള് പറയുന്നു. "ഞാന് ഇപ്പോള് നിരീക്ഷണത്തിലാണ്. എങ്ങനെ ഞാന് വിഷമിക്കാതിരിക്കും, ഇതൊരു വലിയ പ്രശ്നം തന്നെയാണ്" മോസ്കോയിലെ ക്രെംലിനിലുള്ള സെന്ട്രല് ക്ലിനിക്കല് ആശുപത്രിയില് വെച്ച് അദ്ദേഹം മാധ്യമങ്ങളോട് പറഞ്ഞു.
മിഖൈല് മാരോവ് സോവിയറ്റ് യൂണിയന്റെ ബഹിരാകാശ ദൗത്യങ്ങളുടെയും ഭാഗമായിരുന്ന തന്റെ ഔദ്യോഗിക ജീവിതത്തിന് ലൂണ 25 ന്റെ വിജയത്തോടെ അവസാനം കുറിക്കാനിരുന്നതായിരുന്നു. "ലാന്റിങ് സാധ്യമാവാതിരുന്നത് ഏറെ ദുഃഖകരമാണ്. എന്നെ സംബന്ധിച്ചിടത്തോളം നമ്മുടെ ചാന്ദ്ര ദൗത്യങ്ങള് പുനരുജ്ജീവിപ്പിക്കുന്നതിനുള്ള അവസാന പ്രതീക്ഷയായിരുന്നു ഇത്" - മിഖൈല് മാരോവ് പറഞ്ഞു. ലൂണയുടെ തകര്ച്ചയ്ക്ക് കാരണമായ വസ്തുതകള് ഗൗരവതരമായി ചര്ച്ച ചെയ്യപ്പെടുകയും പഠന വിധേയമാക്കപ്പെടുകയും ചെയ്യുമെന്ന് പ്രതീക്ഷിക്കുന്നതായും അദ്ദേഹം കൂട്ടിച്ചേര്ത്തു.
മിഖൈല് മാരോവിനെ ലൂണ തകര്ന്ന് മണിക്കൂറുകള്ക്കകം ആശുപത്രിയില് പ്രവേശിപ്പിച്ചു. പരാജയം വലിയ ആഘാതമാണ് അദ്ദേഹത്തിനുണ്ടാക്കിയതെന്ന് റിപ്പോര്ട്ടുകള് പറയുന്നു. "ഞാന് ഇപ്പോള് നിരീക്ഷണത്തിലാണ്. എങ്ങനെ ഞാന് വിഷമിക്കാതിരിക്കും, ഇതൊരു വലിയ പ്രശ്നം തന്നെയാണ്" മോസ്കോയിലെ ക്രെംലിനിലുള്ള സെന്ട്രല് ക്ലിനിക്കല് ആശുപത്രിയില് വെച്ച് അദ്ദേഹം മാധ്യമങ്ങളോട് പറഞ്ഞു.
മിഖൈല് മാരോവ് സോവിയറ്റ് യൂണിയന്റെ ബഹിരാകാശ ദൗത്യങ്ങളുടെയും ഭാഗമായിരുന്ന തന്റെ ഔദ്യോഗിക ജീവിതത്തിന് ലൂണ 25 ന്റെ വിജയത്തോടെ അവസാനം കുറിക്കാനിരുന്നതായിരുന്നു. "ലാന്റിങ് സാധ്യമാവാതിരുന്നത് ഏറെ ദുഃഖകരമാണ്. എന്നെ സംബന്ധിച്ചിടത്തോളം നമ്മുടെ ചാന്ദ്ര ദൗത്യങ്ങള് പുനരുജ്ജീവിപ്പിക്കുന്നതിനുള്ള അവസാന പ്രതീക്ഷയായിരുന്നു ഇത്" - മിഖൈല് മാരോവ് പറഞ്ഞു. ലൂണയുടെ തകര്ച്ചയ്ക്ക് കാരണമായ വസ്തുതകള് ഗൗരവതരമായി ചര്ച്ച ചെയ്യപ്പെടുകയും പഠന വിധേയമാക്കപ്പെടുകയും ചെയ്യുമെന്ന് പ്രതീക്ഷിക്കുന്നതായും അദ്ദേഹം കൂട്ടിച്ചേര്ത്തു.
Comments