തോപ്പില് ജോപ്പന് എന്ന മമ്മൂട്ടി ചിത്രത്തില്, മമ്മൂട്ടി പ്രണയിക്കുന്ന ആനി എന്ന കഥാപാത്രത്തിന്റെ ചെറുപ്പകാലം അവതരിപ്പിച്ച ബിന്നി സെബാസ്റ്റ്യന് കുടുംബപ്രേക്ഷകര്ക്ക് സുപരിചിതയായത് ഗീതാഗോവിന്ദം പരമ്പരയിലെ ഗീതു എന്ന കഥാപാത്രത്തിലൂടെയാണ്. സീരിയല് പ്രേക്ഷകര്ക്ക് ഏറെയിഷ്ടമുള്ള താരത്തിന്റെ വിവാഹം ഒരാഴ്ചക്കാലത്തോളം സോഷ്യല് മീഡിയ ആഘോഷമാക്കിയതാണ്. ഏഴു വർഷമായി പ്രണയത്തിലായിരുന്ന കുടുംബവിളക്ക് താരം നൂബിനെയാണ് ബിന്നി വിവാഹം കഴിച്ചത്. കെട്ടാന് പോകുന്ന ആളിന്റെ മുഖം നൂബിന് ആരാധകരെ കാണിയ്ക്കുന്നു, നിശ്ചയം, വിവാഹം, വിവാഹ സത്കാരം, ചന്തം ചാര്ത്ത് അങ്ങനെ ആഘോഷങ്ങള്ക്കിടയിലാണ് ശരിയ്ക്കും തന്റെ ഭാര്യ ഒരു ഡോക്ടര് മാത്രമല്ല, നടി കൂടെയാണെന്ന് നൂബിന് ആരാധകരെ അറിയിച്ചത്. അതോടെ ബിന്നിയുടെയും ആരാധകര്ക്ക് സന്തോഷമായി. ഇപ്പോഴിതാ ഒരു വര്ഷം തികയുന്ന തങ്ങളുടെ ദാമ്പത്യത്തിന്റെ സന്തോഷം ആരാധകരുമായി പങ്കിടുകയാണ് ബിന്നി. ‘‘നിങ്ങൾ എന്നെ പരിപാലിക്കുന്നു, നിങ്ങൾ എന്നെ പുഞ്ചിരിപ്പിക്കുന്നു, എപ്പോഴും നിന്റെ പിന്ബലമുള്ളതു കൊണ്ട് എനിക്കൊന്നിനും കുറവില്ല. ഒരു പിന്തുണയായതിന് നന്ദി. ലവ് യു ടു ദ മൂണ് ആന്ഡ് ബാക്ക്... വിവാഹവാര്ഷികാശംസകള്..’’ എന്നാണ് ബിന്നി നൂബിനൊപ്പമുള്ള ചിത്രത്തിന്റെ കൂടെ കുറിച്ചത്.
