ചിരിപ്പിക്കുന്നതും ചിന്തിപ്പിക്കുന്നതും മാത്രമല്ല, പലപ്പോഴും ഏറെ ഞെട്ടിക്കുന്നതും ഭയപ്പടുത്തുന്നതുമായ ഒട്ടനവധി വീഡിയോകള് ദിവസവും സമൂഹ മാധ്യമങ്ങളിലൂടെ വൈറലാകാറുണ്ട്. സിസിടിവിയും മൊബൈല് കാമറകളും സോഷ്യല് മീഡിയയും എല്ലാം സജീവമായതുകൊണ്ടാണ്
ലോകത്ത് പലയിടങ്ങളിലായി നടക്കുന്ന പല അപകടങ്ങളുടേയും ദൃശ്യങ്ങളും നമ്മുക്ക് ഇത്തരത്തില് ലഭ്യമാകുന്നത്. ഇപ്പോഴിതാ ചൈനയില് നിന്ന് പുറത്തുവരുന്ന ഒരു വീഡിയോയാണ് നെറ്റീസണ്സിനെ മുള്മുനയില് നിര്ത്തിയിരിക്കുന്നത്. വിശ്വസിക്കാന് അല്പം പ്രയാസമാണെങ്കിലും സംഭവം വാസ്തവമാണ്.
ഞെട്ടിക്കുന്ന, ഭയപ്പെടുത്തുന്ന വീഡിയോയാണ് ഇത്. സിസിടിവിയില് പതിഞ്ഞ ദൃശ്യങ്ങളാണ് ഇത്. 25-ാം നിലയില് താമസിക്കുന്ന ലി ആയിരുന്നു ലിഫ്റ്റിലുണ്ടായിരുന്ന ഒരാള്. ആ ദുരനുഭവത്തെ കുറിച്ച് ലി വിവരിക്കുന്നത് ഇങ്ങനെ, 'പെട്ടെന്ന് ലിഫ്റ്റ് അനങ്ങാതെയായി. യാത്രക്കാര് അതില് കുടുങ്ങി. നാലാം നിലയില് എത്തിയപ്പോഴാണ് ലിഫ്റ്റ് ആടിയുലയാന് തുടങ്ങിയത്. അതോടെ അതിലുണ്ടായിരുന്ന ഞങ്ങളെല്ലാം വല്ലാതെ പേടിച്ചു തുടങ്ങി.'അവര് മാറിമാറി ഓരോ ബട്ടണും ഞെക്കി. എന്നാല്, ഓരോ നിമിഷം കഴിയുന്തോറും കാര്യങ്ങള് കൂടുതല് ഭയാനകമായിത്തീര്ന്നു. ലിഫ്റ്റിനുള്ളില് ഇരുട്ടായി. പെട്ടെന്ന് ലിഫ്റ്റ് താഴേക്ക് വീണു. അതിലുണ്ടായിരുന്നവര് വായുവില് പൊങ്ങിപ്പോകുന്നതും വീഡിയോയില് കാണാം.
തികച്ചും ഭയാനകം എന്നല്ലാതെ വേറൊന്നും ഈ രംഗത്തെ കുറിച്ച് പറയാന് പറ്റില്ല. പിന്നെ കാണുന്നത് അതിലുണ്ടായിരുന്നവര് നിലത്ത് ഇരിക്കുന്നതാണ്. പരിക്കേറ്റ ഇവരെ പിന്നീട് പുറത്തെത്തിക്കുന്നതും പരിചരണം ഉറപ്പാക്കുന്നതും വീഡിയോയില് കാണാം. പിന്നീട് ഇവരെ ആശുപത്രിയിലേക്ക് മാറ്റി.'എല്ലാം കറങ്ങുകയായിരുന്നു. ഞങ്ങളെല്ലാവരും വായുവിലേക്ക് വലിച്ചെറിയപ്പെട്ടു. എനിക്ക് ചെറിയ പരിക്കേ പറ്റിയുള്ളൂ, തുടയില് ഒരു ചെറിയ ചതവ്. മറ്റ് രണ്ട് പേര്ക്കും ആ സമയം അനങ്ങാന് പോലും കഴിഞ്ഞിരുന്നില്ല' എന്നും ലീ പറഞ്ഞു. ചൈനയിലെ മാധ്യമങ്ങള് റിപ്പോര്ട്ട് ചെയ്തതനുസരിച്ച് ചാങ്ഷ സിറ്റിയിലെ ഫുറോങ് ജില്ലയിലെ സോങ്ഫാങ് റൂയിജി ഇന്റര്നാഷണല് കമ്മ്യൂണിറ്റിയിലെ ഒരു കെട്ടിടത്തിലാണ് ഓഗസ്റ്റ് 26 -ന് ഈ അപകടമുണ്ടായത്. ഏതായാലും വീഡിയോ കണ്ട് ഭൂരിഭാഗം ആളുകളും അമ്പരന്നിരിക്കുകയാണ്.
Three passengers in an elevator in China were sent crashing into its ceiling as the elevator plummeted.
One passenger suffered two fractures to their lumbar, while another bruised his legs.
Building management pledged to pay all medical expenses connected to the incident. pic.twitter.com/hdjeNrp3DB— BoreCure (@CureBore) August 29, 2023
