തിരുവനന്തപുരം : പുതുപ്പളളി ഉപതിരഞ്ഞെടുപ്പില് വിജയച്ചത് ടീം യുഡിഎഫ് എന്ന് പ്രതിപക്ഷ നേതാവ്. ഉപതിരഞ്ഞെടുപ്പ് ഫലം സംസ്ഥാന സര്ക്കാരിനോടുളള ജനങ്ങളുടെ പ്രതിക്ഷേധമാണ്. സര്ക്കാരിന്റെ തകര്ച്ചയുടെ തുടക്കമാണ് പുതുപ്പളളിയിലെ ജനങ്ങള് നല്കിയത് . ഈ മാതൃക വരും തിരഞ്ഞെടുപ്പുകളിലും തുടരും .
മുഖ്യമന്ത്രി പിണറായി വിജയന് പ്രതികരിക്കാത്തത് വിചിത്രമെന്നും അദ്ദേഹം പറഞ്ഞു . മുഖ്യമന്ത്രിയുടെ ഓഫീസിനെ പൊതുമരാമത്ത് മന്ത്രിയുടെ ഓഫീസ് ഹൈജാക്ക് ചെയ്യുന്നു.കേരളം ഭരിക്കുന്നത് പിണറായി വിജയനല്ലെന്ന് പ്രതിപക്ഷ നേതാവ് വി.ഡി സതീശൻ. മുഖ്യമന്ത്രിയുടെ ഓഫീസിലെ ഒരു സംഘമാണ് കേരളത്തിലെ ഭരണം ഇപ്പോൾ നടത്തുന്നത് .
മുഖ്യമന്ത്രിയോട് ഏഴ് ചോദ്യങ്ങള് ഉന്നയിച്ചിരുന്നു എന്തുകൊണ്ടാണ് പ്രതികരിക്കാത്തത് ? ഉത്തമരായ കമ്യൂണിസ്റ്റുകാരുടെ പിന്തുണയും പുതുപ്പള്ളിയില് കോൺഗ്രസിന് കിട്ടി. മുന്നോക്ക വികസന കോർപറേഷൻ ചെയർമാനെ മാറ്റിയ നടപടി ഇതിന് ഉദാഹരണമാണെന്നും പ്രതിപക്ഷ നേതാവ് പറഞ്ഞു.
