വ്യത്യസ്തതയാര്ന്ന റീല്സുകള് ചിത്രീകരിച്ച് സമൂഹ മാധ്യമങ്ങളില് പങ്കുവയ്ക്കുന്നത് യുവാക്കള്ക്കിടയില് ട്രെന്ഡിംഗ് ആയിമാറിയിരിക്കുകയാണ്. ഇതിനായി അപകടകരമായ തരത്തിലുള്ള അഭ്യാസ പ്രകടനങ്ങള് കാണിച്ച് റീല്സ് ചിത്രീകരിക്കുന്നവരെ നാം കണ്ടിട്ടുണ്ടാകും. പലര്ക്കും ഇത്തരത്തില് ജീവന് നഷ്ടമായ നൂറ് കണക്കിന് സംഭവങ്ങളാണ് വാര്ത്തകളിലൂടെ പുറത്തുവന്നിട്ടുള്ളത്. സമാനമായ രീതിയിലുള്ള ഒരു വീഡിയോ ചിത്രീകരണത്തിനായി ശ്രമം നടത്തുന്ന യുവാവിന്റെ ദൃശ്യങ്ങള് ഇപ്പോള് സാമൂഹിക മാധ്യമങ്ങളില് ശ്രദ്ധ നേടുകയാണ്. ഓടിക്കൊണ്ടിരിക്കുന്ന ട്രെയിനില് വച്ചാണ് ഏറെ അപകടകരമായ അഭ്യാസ പ്രകടനം നടത്തി വീഡിയോ ചിത്രീകരിക്കാന് യുവാവ് ശ്രമിച്ചത്. സംഭവത്തിന് ദൃക്സാക്ഷിയായ മറ്റൊരു യാത്രക്കാരനാണ് ഈ ദൃശ്യങ്ങള് ചിത്രീകരിച്ച് സാമൂഹിക മാധ്യമത്തിലൂടെ പങ്കുവച്ചത്. സംഭവം അധികം വൈകാതെ തന്നെ റെയില്വേ പോലീസിന്റെ ശ്രദ്ധ പിടിച്ചുപറ്റി.
@Jaswant singh എന്ന എക്സ് അക്കൗണ്ടാണ് വീഡിയോ പങ്കുവച്ചിരിക്കുന്നത്.സംഭവത്തെക്കുറിച്ച് പരിശോധിക്കാന് ഇന്ത്യന് റെയില്വേയോട് അദ്ദേഹം ആവശ്യപ്പെട്ടുകൊണ്ടാണ് വീഡിയോ പോസ്റ്റ് ചെയ്തിരിക്കുന്നത്. മുംബൈ ലോക്കല് ട്രെയിനില് വച്ചാണ് ഇത്തരത്തില് ഒരു അപകടകരമായ വീഡിയോ ചിത്രീകരണത്തിന് യുവാവ് ശ്രമിച്ചത്. ട്രെയിനിന്റെ ഫുട്ബോര്ഡിന് താഴെയുള്ള ഗോവണിപ്പടിയില് നിന്ന് കൊണ്ട് ഒരു കൈ കമ്പിയില് പിടിച്ച് പുറത്തേക്ക് തൂങ്ങിയാടുന്നതിന്റെ വീഡിയോ ദൃശ്യങ്ങളാണ് ചിത്രീകരിക്കാന് ശ്രമിച്ചത്. വീഡിയോ വൈറല് ആയതോടെ ആര്പിഎഫ് ഉദ്യോഗസ്ഥര് ഇയാള്ക്കെതിരെ കേസെടുക്കുകയും ഇയാളെ കണ്ടെത്തി അറസ്റ്റ് ചെയ്യുകയും ചെയ്തെന്ന് റിപ്പോര്ട്ടുകള് പറയുന്നു.
സംഭവത്തെത്തുടര്ന്ന് റെയില്വേ സുരക്ഷാ പ്രോട്ടോക്കോളിന് എതിരായ ഇത്തരം പെരുമാറ്റങ്ങള് അനുവദിച്ച് നല്കാന് സാധിക്കില്ലെന്നും റെയില്വേ ഉദ്യോഗസ്ഥര് അറിയിച്ചു. അപകടകരമായ പെരുമാറ്റങ്ങളിലൂടെ സ്വന്തം ജീവനും മറ്റുള്ളവരുടെ ജീവനും അപകടത്തിലാക്കുന്നവര്ക്കെതിരെ കര്ശന നടപടി സ്വീകരിക്കുമെന്നും ആര്പിഎഫ് അറിയിച്ചു. ഇതിനോടകം ലക്ഷകണക്കിനാളുകളാണ് വീഡിയോ കണ്ടത്. ഭൂരിഭാഗം ആളുകളും യുവാവിനെതിരെ നടപടി സ്വീകരിക്കണമെന്ന തരത്തിലുള്ള കമന്റുകള് തന്നെയാണ് രേഖപ്പെടുത്തിയിരിക്കുന്നത്.
@Jaswant singh എന്ന എക്സ് അക്കൗണ്ടാണ് വീഡിയോ പങ്കുവച്ചിരിക്കുന്നത്.സംഭവത്തെക്കുറിച്ച് പരിശോധിക്കാന് ഇന്ത്യന് റെയില്വേയോട് അദ്ദേഹം ആവശ്യപ്പെട്ടുകൊണ്ടാണ് വീഡിയോ പോസ്റ്റ് ചെയ്തിരിക്കുന്നത്. മുംബൈ ലോക്കല് ട്രെയിനില് വച്ചാണ് ഇത്തരത്തില് ഒരു അപകടകരമായ വീഡിയോ ചിത്രീകരണത്തിന് യുവാവ് ശ്രമിച്ചത്. ട്രെയിനിന്റെ ഫുട്ബോര്ഡിന് താഴെയുള്ള ഗോവണിപ്പടിയില് നിന്ന് കൊണ്ട് ഒരു കൈ കമ്പിയില് പിടിച്ച് പുറത്തേക്ക് തൂങ്ങിയാടുന്നതിന്റെ വീഡിയോ ദൃശ്യങ്ങളാണ് ചിത്രീകരിക്കാന് ശ്രമിച്ചത്. വീഡിയോ വൈറല് ആയതോടെ ആര്പിഎഫ് ഉദ്യോഗസ്ഥര് ഇയാള്ക്കെതിരെ കേസെടുക്കുകയും ഇയാളെ കണ്ടെത്തി അറസ്റ്റ് ചെയ്യുകയും ചെയ്തെന്ന് റിപ്പോര്ട്ടുകള് പറയുന്നു.
സംഭവത്തെത്തുടര്ന്ന് റെയില്വേ സുരക്ഷാ പ്രോട്ടോക്കോളിന് എതിരായ ഇത്തരം പെരുമാറ്റങ്ങള് അനുവദിച്ച് നല്കാന് സാധിക്കില്ലെന്നും റെയില്വേ ഉദ്യോഗസ്ഥര് അറിയിച്ചു. അപകടകരമായ പെരുമാറ്റങ്ങളിലൂടെ സ്വന്തം ജീവനും മറ്റുള്ളവരുടെ ജീവനും അപകടത്തിലാക്കുന്നവര്ക്കെതിരെ കര്ശന നടപടി സ്വീകരിക്കുമെന്നും ആര്പിഎഫ് അറിയിച്ചു. ഇതിനോടകം ലക്ഷകണക്കിനാളുകളാണ് വീഡിയോ കണ്ടത്. ഭൂരിഭാഗം ആളുകളും യുവാവിനെതിരെ നടപടി സ്വീകരിക്കണമെന്ന തരത്തിലുള്ള കമന്റുകള് തന്നെയാണ് രേഖപ്പെടുത്തിയിരിക്കുന്നത്.
Comments