ലോസ് ഏഞ്ചല്സ്: മയക്കുമരുന്ന് കടത്തിന് തടവിലാക്കപ്പെട്ട മയക്കുമരുന്ന് കള്ളക്കടത്തുകാരനായ അധോലോക നായകന് 'എല് ചാപ്പോ' ഗുസ്മാന്റെ ഭാര്യ എമ്മ കോറണല് അമേരിക്കയില് നിന്നും ജയില് മോചിതയായി. മെക്സിക്കോയില് ഇവര്ക്കെതിരേ ഒരു കേസും ഇല്ലെന്ന് രാജ്യത്തിന്റെ പ്രോസിക്യൂട്ടര് ഓഫീസ് അറിയിച്ചു. ബുധനാഴ്ചയാണ് ഇവര് ജയില് മോചിതയായത്.
അമേരിക്കയില് ജനിച്ച 34 കാരി മൂന്ന് വര്ഷത്തെ തടവിനാണ് 2021 ല് ശിക്ഷിക്കപ്പെട്ടത്. കള്ളപ്പണം വെളുപ്പിക്കല്, നിയമവിരുദ്ധമായ മയക്കുമരുന്ന് വിതരണം, സാമ്പത്തിക ഇടപാടുകളില് ഏര്പ്പെടുന്നതിനുമുള്ള ഗൂഢാലോചന എന്നിവ ഉള്പ്പെടെ ഗുസ്മാന്റെ സിനലോവ മയക്കുമരുന്ന് കാര്ട്ടലിനെ സഹായിച്ചതിനായിരുന്നു ഇവര്ക്കെതിരേ കേസെടുത്തത്.
ലോസ് ഏഞ്ചല്സിലെ സുരക്ഷ ഏറ്റവും കുറഞ്ഞ ജയിലില് തടവില് കഴിയുന്ന സ്ഥാപനത്തില് നിന്ന് ബുധനാഴ്ച അവളെ മോചിപ്പിച്ചതായി ഫെഡറല് ബ്യൂറോ ഓഫ് പ്രിസണ്സ് സ്ഥിരീകരിച്ചു. സ്വകാര്യത, സുരക്ഷ, സുരക്ഷാ കാരണങ്ങളാല് കൂടുതല് വിവരങ്ങള് നല്കിയില്ല. 2007 ല് 18 വയസ്സുള്ളപ്പോഴാണ് ഗുസ്മാന് ഇവരെ കണ്ടുമുട്ടിയത്. അന്ന് അവര് സൗന്ദര്യറാണിയായിരുന്നു. തുടര്ന്ന് വിവാഹം കഴിക്കുകയായിരുന്നു.
ഇരുവര്ക്കും രണ്ടു പെണ്മക്കളുണ്ട്്. മയക്കുമരുന്ന് കടത്തിനും ജയില് ചാട്ടത്തിനും ഗുസ്മാന് യുഎസില് ജീവപര്യന്തം തടവ് അനുഭവിക്കുകയാണ്. തോക്കുമായി ഗ്ളാമറസ് രീതിയില് സാമൂഹ്യമാധ്യമങ്ങളില് ഫോട്ടോ പോസ്റ്റ് ചെയ്യാറുള്ള എമ്മ സോഷ്യല് മീഡിയയില് ഏറെ ആരാധകരുള്ള ആളാണ്. ഗുസ്മാന്റെ അഭാവത്തില് സിനലോവ കാര്ട്ടലുകള് നയിച്ചിരുന്നത് ഇവരായിരുന്നെന്നാണ് മാധ്യമങ്ങള് പുറത്തുവിട്ട വാര്ത്തകള്.
