സഞ്ചാര വേളയില് മൃഗങ്ങള് പലപ്പോഴും അപകടങ്ങളില് അകപ്പെടാറുണ്ട്. ഇത്തരത്തില് അപകടത്തില്പെടുന്നവയെ രക്ഷപ്പെടുത്തുന്ന ഒട്ടനവധി വീഡിയോകള് സമൂഹ മാധ്യമങ്ങളിലൂടെ വൈറലാകാറുണ്ട്. ഇപ്പോഴിതാ സമാനമായ ഒരു വീഡിയോയാണ് വൈറലായിക്കൊണ്ടിരിക്കുന്നത്. ഫാം ഹൗസിലെ സിങ്ക് ഹോളില് തലകുത്തി വീണ പശുവിനെ അതിസാഹസികമായി പുറത്തെടുക്കുന്നതിന്റെ വിഡിയോയാണ് ഇത്.
യുകെയിലെ ഓക്ലാന്ഡിലെ വിസ്റ്റണ് കാസില് കണ്ട്രി പാര്ക്കിലാണ് സംഭവം. പശുവിന്റെ ശബ്ദം കേട്ട് ഫാം അധികൃതര് സ്ഥലത്തെത്തുകയായിരുന്നു.
പിന്കാലില് കയര് കാലില്കെട്ടി ട്രാക്ടര് ഉപയോഗിച്ചാണ് പശുവിനെ പൊക്കിയെടുത്തത്. നല്ല വലുപ്പമുള്ള പശുവിന്റെ ശരീരം പൂര്ണമായും കുഴിക്കകത്തായിരുന്നു. എങ്കിലും കാര്യമായ പരുക്കുകളൊന്നും പശുവിനുണ്ടായില്ല. രക്ഷാപ്രവര്ത്തനത്തില് പങ്കാളികളായ നാല് ഫാം അധികൃതരെയും സോഷ്യല്മിഡിയ അഭിനന്ദിച്ചു. നിമിഷ നേരങ്ങള്ക്കുള്ളില് വൈറലായ വീഡിയോ ഇതിനോടകം 30 ലക്ഷത്തോളം പേരാണ് കണ്ടത്.
This video of a cow that has fallen into a sinkhole I’ve just seen on Facebook has absolutely finished me pic.twitter.com/f7g3AcFmNO
— Billy (@_billyreid) September 10, 2023
