ചെന്നൈ: തമിഴ്നാട് രാഷ്ട്രീയത്തെ മാറ്റി മറിച്ച് ബിജെപിയുമായുള്ള സകലബന്ധങ്ങളും വിഛേദിക്കുന്നതായും ബിജെപി നയിക്കുന്ന എന്ഡിഎ സഖ്യത്തില് നിന്നും പിന്വാങ്ങുന്നതായും പ്രഖ്യാപിച്ച എഐഎഡിഎംകെ സമാനചിന്താഗതിയുള്ള പാര്ട്ടികളുമായി ചേര്ന്ന് ലോക്സഭാ തെരഞ്ഞെടുപ്പില് മത്സരിക്കാനൊരുങ്ങുന്നു. പാര്ട്ടി പ്രതിനിധികളും ബിജെപി ദേശീയ നേതൃത്വവും തമ്മില് ഡല്ഹിയല് നടത്തിയ ചര്ച്ച പരാജയപ്പെട്ടതോടെയാണ് സഖ്യം അവസാനിച്ചത്.
ബിജെപി തമിഴ്നാട് തലവന് കെ. അണ്ണാമലൈയുടെ പ്രതികരണങ്ങളാണ് പാര്ട്ടികളെ അകറ്റിയത്. അണ്ണാമലൈ ചായ്വിന്റെ സൂചനകള് കാണിക്കുന്നില്ലെന്ന് ബിജെപി വസ്താക്കളും പറഞ്ഞു. ബിജെപിയുമായി സഖ്യത്തിലായത് എഐഎഡിഎംകെയ്ക്ക് ദ്രാവിഡ രാഷ്ട്രീയത്തില് ഇടം കുറയ്ക്കുകയും കഴിഞ്ഞ രണ്ട് വലിയ തെരഞ്ഞെടുപ്പുകളില് ന്യൂനപക്ഷ വോട്ടുകള് നഷ്ടമാക്കുകയും ചെയ്തതായി വിലയിരുത്തലുണ്ട്. ഈ സാഹചര്യത്തില് കൂടിയാണ് സഖ്യത്തില് നിന്നും അവര് പിന്മാറിയത്.
കഴിഞ്ഞ ഒരു വര്ഷമായി ബിജെപിയും അതിന്റെ പ്രവര്ത്തകരും പാര്ട്ടിക്ക് നേരെ നടത്തുന്ന തുടര്ച്ചയായുള്ള ആക്രമണത്തില് നിര്ണ്ണായകമായ തീരുമാനം എടുത്തിട്ടുണ്ടെന്ന് തിങ്കളാഴ്ച ചെന്നൈയില് നടന്ന ഉന്നത തല യോഗത്തിന് പിന്നാലെ എഐഎഡിഎംകെ സഹ ജനറല് സെക്രട്ടറി കെ.പി. മുത്തുസ്വാമി മാധ്യമങ്ങളോട് പറഞ്ഞു. 'നന്ദി വീണ്ടും വരാതിരിക്കുക' എന്ന ഹാഷ്ടാഗ് പാര്ട്ടി പ്രസ്താവനയില് ഉപയോഗിച്ചു.
2019 ന് ശേഷം എന്ഡിഎയില് നിന്നും പുറത്തുപോകുന്ന നാലാമത്തെ പാര്ട്ടിയാണ് എഐഎഡിഎംകെ. നേരത്തേ 2019 നവംബര് 23 ന് ബിജെപിയുടെ ദീര്ഘകാല സുഹൃത്തുക്കളായിരുന്ന ശിവസേന എന്ഡിഎയില് നിന്നും പുറത്തുപോയിരുന്നു. മഹാരാഷ്ട്രയിലെ സര്ക്കാര് രൂപീകരണവുമായി ബന്ധപ്പെട്ട പ്രശ്നമാണ് ശിവസേന എന്ഡിഎ വിടാന് കാരണമായത്. ബിജെപിയുടെ മുഖ്യമന്ത്രി സ്ഥാനം ഊഴം വെയ്ക്കാനുള്ള തീരുമാനത്തില് പ്രതിഷേധിച്ച് ഉദ്ധവ് താക്കറേ എന്സിപിയും കോണ്ഗ്രസുമായി കൈകോര്ക്കുകയും മഹാവികാസ് അഘാഡിയില് അംഗമായി മാറുകയും ചെയ്തിരുന്നു. ഇത് ശിവസേന പിളരാന് കാരണമാകുകയും എക്നാഥ് ഷിന്ഡേ ബിജെപിയുമായി 2022 ജൂലൈ 1 ന് കൈകോര്ക്കുകയും ബിജെപിയെ സര്ക്കാരുണ്ടാക്കാന് സഹായിക്കുകയും ചെയ്തു.
2020 ല് എന്ഡിഎയിലെ സ്ഥാപക അംഗമായ ശിരോമണി അകാലിദളും എന്ഡിഎ വിട്ടിരുന്നു. കാര്ഷിക ബില്ലുമായി ബന്ധപ്പെട്ട തര്ക്കത്തിലാണ് ശിരോമണി അകാലിദള് ബിജെപിയുമായുള്ള ബന്ധം അവസാനിപ്പിച്ചത്. 2022 ആഗസ്റ്റ് 9 നാണ് ബീഹാര് മുഖ്യമന്ത്രി നിതീഷ്കുമാര് മഹാഗദ്ബന്ധന് സഖ്യത്തിലേക്ക് തിരിച്ചുപോയത്. നിതീഷ് എന്ഡിഎ വിട്ടതോടെ ബിജെപി നേതൃത്വം നല്കുന്ന സഖ്യത്തില് 43 പേരായി ചുരുങ്ങുകയും ചെയ്തു. ഏറ്റവും ഒടുവില് ഇപ്പോള് എഐഎഡിഎംകെ യും എന്ഡിഎ ബന്ധം അവസാനിപ്പിച്ചു.
