മണിമല : ഓണ്ലൈന് തട്ടിപ്പിലൂടെ രണ്ടു പേര്ക്ക് അക്കൗണ്ടിലെ പണം മുഴുവന് നഷ്ടമായി . വിദേശത്ത് പഠനം പൂര്ത്തീകരിച്ചെത്തിയ കരിമ്പനക്കുളം സ്വദേശിനിക്കും മണിമല ടൗണിലുള്ള യുവാവിനുമാണ് പണം നഷ്ടപ്പെട്ടത് .കരിമ്പനക്കുളം സ്വദേശിനിക്ക് സര്ട്ടിഫിക്കറ്റുകള് കൊറിയര് അയച്ചതായി പഠനം നടത്തിയ സ്ഥാപനത്തിന്റെ അറിയിപ്പ് ലഭിച്ചിരുന്നു . സര്ട്ടിഫിക്കറ്റ് വാങ്ങാന് കാത്തുനിന്ന ഇവര്ക്ക് കൊറിയര് ഏജന്സിയില് നിന്നെന്ന് പറഞ്ഞ് കോള് വരികയും രണ്ടു രൂപ ഫോണില് വന്ന ലിങ്കില് അയച്ചുനല്കുവാനും ആവശ്യപ്പെട്ടു.
രണ്ടു രൂപയുടെ കുറവുള്ളതിനാല് പാഴ്സല് തടഞ്ഞുവച്ചിരിക്കുകയാണെന്നും പറഞ്ഞതോടെ 2 രൂപ യുവതി അയച്ചു നല്കി. തൊട്ടടുത്ത ദിവസം അക്കൗണ്ടിലുണ്ടായിരുന്ന 65000 രൂപയും നഷ്ടമായി . സമാനമായ സംഭവമാണ് മണിമല ടൗണിലുള്ള യുവാവിനും ഉണ്ടായത്. മറ്റൊരു സംസ്ഥാനത്ത് പഠനം പൂര്ത്തീകരിച്ച് വന്ന യുവാവിനും സര്ട്ടിഫിക്കറ്റ് കൊറിയര് അയച്ചതിനു പിന്നാലെ തട്ടിപ്പുകാരുടെ കോള് എത്തി. കൊറിയര് സ്ഥാപനം ആണെന്ന് കരുതി രണ്ട് രൂപ അയച്ച ഇയാളുടെ അക്കൗണ്ടിലുണ്ടായിരുന്ന പണവും നഷ്ടമായി.
പഴയിടം സ്വദേശിയുടെ ഒന്നര ലക്ഷം രൂപയും കഴിഞ്ഞ ദിവസം നഷ്ടമായി .അമേരിക്കയില് നിന്നും സൗജന്യ ഗിഫ്റ്റ് അയച്ചതായി ഫോണില് മെസേജ് വന്നിരുന്നു . ഒരാഴ്ചക്ക് ശേഷം ഡല്ഹിയില് നിന്നും ഒരു കോള് പഴയിടം സ്വദേശിക്കെത്തി . 65 ലക്ഷം രൂപയുടെ കസ്റ്റമസ് ക്ളിയര്നസിനായി ഒന്നര ലക്ഷം അയച്ചുതരാന് ആവശ്യപ്പെട്ടു . പണം അയച്ചുകൊടുത്തതിനു പിന്നാലെ വീണ്ടും മൂന്ന് ലക്ഷം രൂപ കൂടി ആവശ്യപ്പെട്ടതോടെ പഴയിടം സ്വദേശി മണിമല പോലീസില് പരാതി നല്കുകയായിരുന്നു . ലിങ്ക് വഴി 2 രൂപ അയച്ച് അക്കൗണ്ടിലെ മുഴുവന് തുകയും നഷ്ടമായവരും മണിമല പോലിസില് പരാതി നല്കി . ഓണ്െലെന് തട്ടിപ്പുകള് വ്യാപകമായിരിക്കുകയാണ്. കൂടുതല് ജാഗ്രത പുലര്ത്തിയില്ലേല് അക്കൗണ്ടിലെ പണം നഷ്ടമാകും.
കാഞ്ഞിരപ്പള്ളി പോലീസ് സ്േറ്റഷന് പരിധിയില് ഇത്തരത്തില് ഏഴുപേരുടെ പണം നഷ്ടപ്പെടുന്ന കാട്ടി പരാതി സമര്പ്പിച്ചിട്ടുണ്ട്. ഇതു സംബന്ധിച്ച് പോലീസ് നിരവധി മുന്നറിയിപ്പുകള് നല്കുന്നുണ്ട്. ഓണ്ലൈന് തട്ടിപ്പിനിരയാല് ഉടന് തന്നെ പോലീസിന്റെ സൈബര് ക്രൈം ഹെല്പ്പ് ലൈന് നമ്പറായ 1930 ല് അറിയാക്കാവുന്നതാണ് .പണം നഷ്ടമായാലുടനെ ഈ നമ്പറില് വിളിച്ചു പറഞ്ഞാല് പണം തിരിച്ചുകിട്ടാന് സാധ്യതയേറെയാണ്. പ്രമുഖ ഇ-കോമേഴ്സ് െസെറ്റുകളുടെ പേര് ഉപയോഗിച്ച് ഓഫറുകളുടെ പേരില് സോഷ്യല് മീഡിയ വഴി പരസ്യം നല്കുന്ന വ്യാജ ഷോപ്പിംഗ് സൈറ്റുകള്ക്കെതിരെ ജാഗ്രത പാലിക്കുവാന് പോലീസ് നിര്ദ്ദേശം നല്കിയിട്ടുണ്ട്.
കുറഞ്ഞ വിലയ്ക്ക് ബ്രാന്ഡഡ് ആയ ഇലക്രേ്ടാണിക്സ്, മറ്റു ഉത്പന്നങ്ങള് എന്നിവ നല്കുന്നു എന്ന രീതിയില് സോഷ്യല് മീഡിയ വഴി പരസ്യങ്ങള് നല്കിയാണ് ഇവര് തട്ടിപ്പുകള് നടത്തുന്നത്. ഒറ്റ നോട്ടത്തില് യഥാര്ഥ സൈറ്റ് പോലെ തോന്നിക്കുന്ന ഈ െസെറ്റുകളില് കയറി ഓര്ഡര് ചെയ്ത് പണം നഷ്ടപ്പെടുന്നവരുടെ എണ്ണം കൂടുകയാണ്. ഇത്തരം വ്യാജ സൈറ്റുകള് തിരിച്ചറിയുന്നതിന് അവയുടെ വെബ്െസെറ്റ് അഡ്രസ്സ് സൂക്ഷ്മമായി പരിശോധിച്ചാല് മനസിലാക്കാം .
