സംസ്ഥാനത്തെ 2000 റേഷന് ഷോപ്പുകള് 2025 ഓടെ കെ - സ്റ്റോറുകളാക്കി മാറ്റുമെന്ന് ഭക്ഷ്യ പൊതു വിതരണ വകുപ്പ് മന്ത്രി ജി. ആര്. അനില്. നെടുമങ്ങാട് താലൂക്കിലെ റേഷന്കട കെ-സ്റ്റോര് ആയി ഉയര്ത്തി പ്രവര്ത്തനോദ്ഘാടനം നിര്വഹിക്കുകയായിരുന്നു മന്ത്രി. മെച്ചപ്പെട്ട സേവനങ്ങള് ലഭ്യമാക്കി കേരളത്തിലെ പൊതുവിതരണ സംവിധാനം കൂടുതല് ശക്തിപ്പെടുത്തുന്നതിന്റെ ഭാഗമായി നടപ്പിലാക്കിയ പദ്ധതിയാണ് കെ സ്റ്റോറുകള്. കെ സ്റ്റോറുകള് നവ കേരളത്തിന്റെ നവീന റേഷന്ഷോപ്പുകളാണ്.
ഈ സര്ക്കാര് ചെയ്ത പ്രധാന കാര്യങ്ങളിലൊന്നാണ്പഴയ റേഷന്കടകളുടെ ഭൗതിക സാഹചര്യങ്ങളുയര്ത്തി മെച്ചപ്പെട്ട സൗകര്യങ്ങള് ഉറപ്പാക്കി റേഷന് കടകളെ ജനസൗഹൃദ കേന്ദ്രങ്ങളാക്കി മാറ്റിയത്. കെ സ്റ്റോറുകളിലൂടെ ശബരി ഉല്പ്പന്നങ്ങള്, മില്മ ഉല്പ്പന്നങ്ങള്, യൂട്ടിലിറ്റി പെയ്മെന്റ്സ്, ഛോട്ടുഗ്യാസ്, 10,000 രൂപ വരെയുള്ള ബാങ്കിംഗ് സേവനങ്ങള് എന്നിവ ലഭ്യമാകും.
കൂടാതെ വ്യവസായ വകുപ്പിന്റെ 96 എം.എസ്.എം.ഇ ഉത്പ്പന്നങ്ങള്, കൃഷി വകുപ്പിന്റെ വിവിധ മൂല്യവര്ധിത ഉല്പ്പന്നങ്ങള്, കുടുംബശ്രീ ഉല്പ്പന്നങ്ങള് എന്നിവയും കെ-സ്റ്റോറുകളിലൂടെ ലഭ്യമാക്കുന്നതിന് നടപടി സ്വീകരിച്ചിട്ടുണ്ടെന്നും മന്ത്രി അറിയിച്ചു. പൊതുവിതരണ രംഗത്ത് കേന്ദ്രസര്ക്കാര് കേരളത്തിന് അര്ഹമായ പരിഗണന നല്കുന്നില്ല. കൂടുതല് അരിവിഹിതം കേരളം ആവശ്യപ്പെട്ടിട്ടും കേന്ദ്രം നല്കുന്നില്ല. ചില മാസങ്ങളില് റേഷന്കടകളില് ബാക്കിയുള്ള അരി അധികമായി തുടര്മാസങ്ങളില് വിതരണം ചെയ്യാന് അനുവാദം ചോദിച്ചിട്ടും കേന്ദ്രം നല്കുന്നില്ല.
മുന്ഗണനേതര കാര്ഡുകാര്ക്ക് നല്കിവന്നിരുന്ന ഗോതമ്പ് വിഹിതവും ഒരു വര്ഷമായി കേന്ദ്രം നല്കുന്നില്ല.കേന്ദ്രസര്ക്കാര് പ്രളയസമയത്ത് അനുവദിച്ച ഭക്ഷ്യധാന്യങ്ങള്ക്കുപോലും സംസ്ഥാന സര്ക്കാരില് നിന്നും പൈസ ഈടാക്കിയിരുന്നു. മുന്ഗണനേതര കാര്ഡുകാര്ക്ക് നല്കിവന്നിരുന്ന ഗോതമ്പ് വിഹിതവും ഒരു വര്ഷമായി കേന്ദ്രം നല്കുന്നില്ല.
