സോഷ്യല് മീഡിയ പലപ്പോഴും രസകരമായ സംഭവങ്ങളുടെ വീഡിയോകള് കാഴ്ചക്കാരിലേക്ക് എത്തിക്കാറുണ്ട്. എന്നാല് അവയില് ചിലത് അത്ഭുതപ്പെടുത്തുകയും ഒപ്പം അല്പ്പം വിഷമിപ്പിക്കുകയും ചെയ്യാറുണ്ട്. ആറ്റുനോറ്റിരുന്ന് ഇഷ്ടപ്പെടുന്ന വാഹനം വാങ്ങിക്കുന്നവരാണ് മിക്കവരും. അത് പൊന്നേ പൊടിയേ എന്നൊക്കെ പറഞ്ഞാണ് പലരും സൂക്ഷിക്കാറുള്ളത്. എന്നാല് അങ്ങനെ പാര്ക്ക് ചെയ്തിരിക്കുന്ന ഒരു വാഹനം മറ്റൊരു വണ്ടി വന്ന് ഇടിച്ചു പഞ്ചറാക്കിയാല് എന്തു തോന്നും ? ഇപ്പോഴിതാ അത്തരമൊരു വീഡിയോയാണ് കാഴ്ചച്ചക്കാരുടെ കണ്ണുകളെ അതിശയിപ്പിക്കുന്നത്. റേഞ്ച് റോവറടക്കം ഒരുപാട് വാഹനങ്ങള് നിര്ത്തിയിട്ടിരിക്കുന്നയിടത്തു കൂടി ഒരു ഹെവി ട്രക്ക് പോകുന്നതാണ് വീഡിയോ. പാര്ക്ക് ചെയ്ത ബൈക്ക് എടുക്കാനായി ഒരാള് വണ്ടിയുടെ അടുത്തേക്ക് വരുന്നതും വീഡിയോയില് കാണാം. ഒരു ശബ്ദം കേട്ട് തിരിഞ്ഞു നോക്കുമ്പോള് റേഞ്ച് റോറവിന്റെ കണ്ണാടിയടക്കം തട്ടിയിട്ട് ഒരു കൂസലുമില്ലാതെ ട്രക്ക് കടന്നു പോകുന്നതു കാണാം. പിന്നീട് ആകെ താറുമാറായ റേഞ്ച് റോവറിന്റെ വശങ്ങളും വീഡിയോയില് കാണിക്കുന്നുണ്ട്.
