ദിവസവും സമൂഹ മാധ്യമങ്ങിലൂടെ വ്യത്യസ്തത ഉണര്ത്തുന്ന ഒട്ടനവധി വീഡിയോകളാണ് വൈറലായിക്കൊണ്ടിരിക്കുന്നത്. ഇവയില് ഭൂരിഭാഗവും ബോധപൂര്വ്വം തയ്യാറാക്കുന്നവയാണ്. എന്നാല് മറ്റുചിലത് യഥാര്ത്ഥ സംഭവങ്ങളുടെ നേര്ക്കാഴ്ചകളാണ്. ഇത്തരം വീഡിയോകള്ക്കാണ് കാഴ്ചക്കാര് ഏറെയുള്ളത്. ഇപ്പോഴിതാ മനുഷ്യത്വം മരിച്ചിട്ടില്ല എന്ന് തെളിയിക്കുന്ന ഹൃദയഭേദകമായ ഒരു കാഴ്ചയാണ് സമൂഹ മാധ്യമങ്ങളുടെ ശ്രദ്ധ തിരിച്ചിരിക്കുന്നത്.
സാധാരണായയി നാം നടന്നു പോകുന്ന വഴിയില് മരിക്കാറായി കിടക്കുന്ന ഒരു ജീവിയെ കണ്ടാല് നമ്മളെന്ത് ചെയ്യും? ചിലര് അതിനെ നോക്കും ചിലര് നോക്കുക പോലും ചെയ്യാതെ നടന്നു നീങ്ങും. എന്നാല്, അതിനെ സഹായിക്കണമെന്നും ജീവിതത്തിലേക്ക് തിരികെ കൊണ്ടുവരണമെന്നും ആഗ്രഹിക്കുകയും അതിന് വേണ്ടി ആത്മാര്ത്ഥമായി പരിശ്രമിക്കുകയും അതിനെ സഹായിക്കുകയും ചെയ്യുന്നവര് വളരെ വളരെ കുറവായിരിക്കും അല്ലേ? എന്നാല്, ഈ ലോകത്ത് മനുഷ്യത്വം പൂര്ണമായും മരിച്ചു പോയിട്ടില്ല എന്ന് വെളിപ്പെടുത്തുന്ന ഒരു വീഡിയോയാണ് ഇത്. അടുത്ത നിമിഷം ജീവനറ്റുപോയേക്കാം എന്ന അവസ്ഥയില് കിടക്കുന്ന ഒരു ഓന്തിനെ ജീവിതത്തിലേക്ക് തിരികെ കൊണ്ടുവരുന്ന ഒരു യുവാവാണ് വീഡിയോയില്.
ഓന്തിനെ എങ്ങനെയെങ്കിലും ജീവിതത്തിലേക്ക് തിരികെ കൊണ്ടുവരാന് അതിന് കൃത്രിമശ്വാസവും സിപിആറും ഒക്കെ നല്കുകയാണ് യുവാവ്.
വീഡിയോ തുടങ്ങുമ്പോള് തന്നെ കാണുന്നത് യുവാവ് ഒരു കുറ്റിക്കാട്ടില് നിന്നും ഏറെക്കുറെ മരിക്കാറായ ഓന്തിനെ കണ്ടെത്തുന്നതാണ്. അയാള് അതിന് മേല്ക്ക് വെള്ളം തളിക്കുന്നുണ്ട് എങ്കിലും അത് എഴുന്നേല്ക്കുന്നില്ല. ഒടുവില്, അതിന് അയാള് കൃത്രിമശ്വാസം നല്കുന്നതും അതിനെ തലോടുന്നതും ഒക്കെ വീഡിയോയില് കാണാം. ഒടുവില് ഓന്ത് ശ്വസിക്കുന്നതാണ് കാണാന് സാധിക്കുന്നത്. എന്നാല്, ശ്വസിക്കാന് തുടങ്ങിയ ഉടനെ അതിനെ അവിടെ ഉപേക്ഷിച്ച് പോകുന്നതിന് പകരം അതിന് മരുന്ന് നല്കുകയും ചെയ്യുന്നുണ്ട് യുവാവ്. ഒടുവില്, മരണത്തില് നിന്നും രക്ഷപ്പെട്ട ഓന്തിനെ അയാള് ഒരു ചെടിയുടെ മുകളില് ഇറക്കി വിടുന്നതും കാണാം. വളരെ പെട്ടെന്നാണ് വീഡിയോ വൈറലായത്. അനേകം പേര് യുവാവിന്റെ നല്ല മനസിനെ അഭിനന്ദിച്ചു.
He is amazing!pic.twitter.com/IVdDqn14pU
— Figen (@TheFigen_) October 10, 2023
