ബോളിവുഡ് താരം ശില്പ ഷെട്ടിയും ഭർത്താവും ബിസിനസുകാരനുമായ രാജ് കുന്ദ്രയും എപ്പോഴും ലൈംലൈറ്റിൽ നിറഞ്ഞ് നിൽക്കുന്ന താരങ്ങളാണ്. സോഷ്യൽ മീഡിയയിലും സജീവമായ താരങ്ങളുടെ വാർത്തകൾ എപ്പോഴും ആരാധകർ ഏറ്റെടുക്കാറുണ്ട്. കുറെ നാളുകളായി രാജ് കുന്ദ്ര 'മാസ്ക് മാൻ' എന്ന വിളിപ്പേരിലാണ് അറിയപ്പെടുന്നത്. മുഖത്തു മാസ്ക് വച്ച് മാത്രമേ താരം മാധ്യമങ്ങളിൽ മുൻപിൽ പ്രത്യക്ഷപ്പെടാറുള്ളു. ഇപ്പോഴിതാ ഭാർത്താവിനൊപ്പം ഭാര്യ ശില്പയും മാസ്കിൽ പ്രത്യക്ഷ വീഡിയോയും ചിത്രങ്ങളുമാണ് സോഷ്യൽ മീഡിയ ഏറ്റെടുക്കുന്നത്. രണ്ടു പേരും ബ്ലാക്ക് കളർ ഡ്രെസ്സും അതിനു ചേരുന്ന മാസ്കും ധരിച്ചു മാധ്യമങ്ങൾക്ക് മുന്നിൽ ഫോട്ടോയ്ക്ക് പോസ് ചെയ്യുന്നതും കൈ വീശി കാണിച്ചു കയറിപ്പോകുന്നതും കാണാം. ശില്പയ്ക്ക് ഇതെന്തു പറ്റി എന്ന സംശയത്തിലാണ് ആരാധകർ.
