ന്യൂസീലന്ഡ് ബോഡി ബില്ഡറും ഫിറ്റ്നസ് ഇന്ഫ്ളുവന്സറുമായ റെയ്ചല് ചെയ്സ് അന്തരിച്ചു. റെയ്ചലിന് 14 ലക്ഷം ഫോളോവേഴ്സാണ് ഫെയ്സ്ബുക്കിലുള്ളത്. ഈ 41 കാരി തന്റെ സോഷ്യല് മീഡിയയിലൂടെ നിരവധി ഫിറ്റ്നസ് വീഡിയോകലും പ്രചോദനം നല്കുന്ന പോസ്റ്റുകളുമാണ്.
റെയ്ചലിന്റെ മരണവാര്ത്ത സ്ഥിരീകരിച്ചത് ഇവരുടെ മൂത്ത മകളായ അന്ന ചെയ്സാണ്. എന്നാല് മരണ കാരണം വ്യക്തമല്ല. സംഭവത്തില് ന്യൂസീലന്ഡ് പോലീസ് അന്വേഷണം നടത്തിവരികയാണ്.
'അമ്മ എല്ലാവിധ പിന്തുണയും ഞങ്ങള്ക്ക് നല്കിയിരുന്നു. അവര് അനുകമ്പയുള്ള ഹൃദയത്തിന് ഉടമയായിരുന്നു. ജീവിതത്തില് പ്രചോദനം നല്കുന്ന ഉപദേശങ്ങളാണ് ഞങ്ങള്ക്ക് നല്കിയിരുന്നത്. ലോകത്തുള്ള ലക്ഷക്കണക്കിന് ആളുകള്ക്ക് പ്രചോദനമാവുകയും ചെയ്തു. അമ്മയുടെ സ്നേഹം ഒരിക്കലും ഇല്ലാതാകില്ല. അവരെ ഒരുപാട് മിസ് ചെയ്യും''- അന്ന പറഞ്ഞു.
റെയ്ചല് വളരെ ചെറുപ്പം മുതല് തന്നെ ബോഡി ബില്ഡിങ് രംഗത്ത് സജീവമായിരുന്നു. 2011-ല് ലാസ് വെഗാസില് നടന്ന ഒളിംപ്യ ബോഡി ബില്ഡിങ് മത്സരത്തില് പങ്കെടുത്ത ആദ്യ വനിതയായിരുന്നു. 2015 ഫെബ്രുവരിയിലാണ് ക്രിസ് ചെയ്സുമായുള്ള 14 വര്ഷത്തെ വിവാഹജീവിതം റെയ്ചല് അവസാനിപ്പിച്ചത്.
