തൃശ്ശൂര്: തിരുവിതാംകൂര് ദേവസ്വം ബോര്ഡ് പുറത്തിറക്കിയ നോട്ടീസില് പറയാന് പാടില്ലാത്തത് എന്തെങ്കിലും ഉണ്ടെങ്കില് പരിശോധിക്കുമെന്ന് ദേവസ്വം മന്ത്രി കെ രാധാകൃഷ്ണന്. ക്ഷേത്ര പ്രവേശന വിളംബരവുമായി ബന്ധപ്പെട്ട് വിവിധ പരിപടികള് സംഘടിപ്പിച്ചിട്ടുണ്ട്. നോട്ടീസില് എന്തുണ്ടെന്ന് അറിയില്ല.
നോട്ടീസില് പറയാന് പാടില്ലാത്തത് എന്തെങ്കിലും ഉണ്ടെങ്കില് പരിശോധിക്കും. മനസ്സില് അടിഞ്ഞിരിക്കുന്നു ജാതി ചിന്ത പെട്ടന്ന് പോവില്ല. അതിങ്ങനെ തികട്ടിവരുമെന്നും കെ രാധാകൃഷ്ണന് പറഞ്ഞു.നോട്ടീസ് വിവാദംമായതോടെ നോട്ടീസ് പിന്വലിച്ചു. ക്ഷേത്രപ്രവേശന വിളംബരദിന വാര്ഷിക പരിപാടിയുമായി ബന്ധപ്പെട്ട് തിരുവിതാംകൂര് ദേവസ്വം ബോര്ഡ് പുറത്തിറക്കിയ നോട്ടീസ് സാമൂഹ്യമാധ്യമങ്ങളില് ചര്ച്ചയായി. നോട്ടീസിലെ ഉള്ളടക്കമാണ് ചര്ച്ചയ്ക്ക് കാരണമായത്. തിരുവിതാംകൂര് ദേവസ്വം ബോര്ഡ് സാംസ്കാരിക-പുരാവസ്തു വകുപ്പ് ഡയറക്ടര് ബി മധുസൂദനന് നായര് ആശംസകള് നേര്ന്നുകൊണ്ടാണ് നോട്ടീസ്
തിരുവിതാംകൂറിലെ ദളിത് പിന്നാക്ക ജനവിഭാഗങ്ങള് പൊരുതി നേടിയതാണ് ക്ഷേത്രപ്രവേശനമെന്ന് അശോകന് ചരുവില് ഫേസ്ബുക്കില് കുറിച്ചു. അത് തിരിച്ചറിഞ്ഞാണ് സര്ക്കാര് ക്ഷേത്രപ്രവേശന വിളംബരപുരസ്കാരങ്ങള് ദളിത് സമൂഹത്തിലെ പ്രതിഭകള്ക്ക് നല്കിവരുന്നത്.
ഡോ.പല്പ്പു ഉള്പ്പടെ നിരവധി മഹാപ്രതിഭകളുടെ കണ്ണീരുവീണ സ്ഥലമാണ് തിരുവിതാംകൂര് കൊട്ടാരം. ആലപ്പുഴയിലെ ഗ്രാമങ്ങളില് വീണ ചോര ഇനിയും ഉണങ്ങിയിട്ടില്ല. രണ്ട് അഭിനവ 'തമ്പുരാട്ടി'മാരിലൂടെ ആ നാടുവാഴിത്ത മേധാവിത്തത്തേയും സംസ്കാരത്തേയും എഴുന്നള്ളിക്കാനുള്ള ദേവസ്വം ബോര്ഡിന്റെ നീക്കം അപലനീയമാണെന്നും അശോകന് ചരുവില് പറഞ്ഞു.
