ന്യൂഡല്ഹി: മദ്ധ്യപ്രദേശില് നേരിട്ട കനത്ത തോല്വിയുടെ പശ്ചാത്തലത്തില് കോണ്ഗ്രസിന്റെ നേതൃ സ്ഥാനത്ത് നിന്നും കമല്നാഥ് മാറിയേക്കില്ലെന്ന് റിപ്പോര്ട്ട്. പരാജയത്തിന്റെ പാഠം ഉള്ക്കൊണ്ട് കമല്നാഥിന്റെ നേതൃത്വത്തില് തന്നെ കോണ്ഗ്രസ് മദ്ധ്യപ്രദേശില് മുമ്പോട്ട് പോകും. കോണ്ഗ്രസിന്റെ മുതിര്ന്ന നേതാവ് കമല്നാഥ് മധ്യപ്രദേശ് പിസിസി അധ്യക്ഷസ്ഥാനം ഒഴിഞ്ഞേക്കുമെന്ന് റിപ്പോര്ട്ടുകള് ഉണ്ടായിരുന്നു.
്എന്നാല് നേതൃത്വം തല്ക്കാലം മാറേണ്ടെന്ന് തീരുമാനിച്ചിരിക്കുകയാണ് കോണ്ഗ്രസ്. ഇന്ത്യാ ടുഡേ ആക്സിസ് മൈ ഇന്ത്യ സര്വ്വേ ഉള്പ്പടെയുള്ള പല എക്സിറ്റ് പോളുകളും കോണ്ഗ്രസിന് വിജയം പ്രവചിച്ച മധ്യപ്രദേശില് ആകെയുള്ള 230 സീറ്റുകളില് 163 സീറ്റികളിലും ബിജെപി വിജയം നേടിയിരുന്നു. 66 സീറ്റുകള് മാത്രമാണ് ഇവിടെ കോണ്ഗ്രസിന് നേടാനായത്.
കോണ്ഗ്രസ് ദേശീയ അധ്യക്ഷന് മല്ലികാര്ജുന് ഖാര്ഗെയുമായി കമല്നാഥ് കൂടിക്കാഴ്ച നടത്തും. വിജയം പ്രവചിച്ചിടത്ത് വലിയ പരാജയമാണ് മധ്യപ്രദേശില് കോണ്ഗ്രസിന് നേരിടേണ്ടി വന്നത്. പല എക്സിറ്റ് പോളുകളും കോണ്ഗ്രസിന് വിജയം പ്രവചിച്ച മധ്യപ്രദേശില് ആകെയുള്ള 230 സീറ്റുകളില് 163 സീറ്റികളിലും ബിജെപി വിജയം നേടിയിരുന്നു. 66 സീറ്റുകള് മാത്രമാണ് ഇവിടെ കോണ്ഗ്രസിന് നേടാനായത്.
2018 ല് കമല്നാഥിന്റെ നേതൃത്വത്തില് 114 സീറ്റ് നേടി വിജയിച്ചിടത്തുനിന്നാണ് കോണ്ഗ്രസ് ഇന്ന് 66 സീറ്റിലേക്ക് വീണതെന്നത് പരാജയത്തിന്റെ ആഴം കൂട്ടുന്നു. പരാജയത്തിന് പിന്നാലെ നേതാക്കളെയോ പ്രവര്ത്തകരെയോ കാണാന് തയ്യാറാകാതിരുന്ന കമല്നാഥ് എന്നാല് ബിജെപിയുടെ ശിവരാജ് സിംഗ് ചൗഹാനെ കണ്ടതിലും ഹൈക്കമാന്റിന് അതൃപ്തിയുണ്ട്. മറുവശത്ത് ശിവരാജ് സിംഗ് ചൗഹാന്റെ തിരഞ്ഞെടുപ്പ് തന്ത്രങ്ങള് ഫലം കണ്ട തിരഞ്ഞെടുപ്പ് കൂടിയായിരുന്നു ഇത്.
