ജീവിതത്തില് എകാന്തതയിലൂടെ കടന്നുപോകാത്തതായി ആരും ഉണ്ടാകില്ല. എപ്പോഴെങ്കിലും ഒറ്റപ്പെട്ടു എന്നു തോന്നുന്ന ചിന്ത എങ്കിലും നമ്മളെ ഭരിച്ചിട്ടുണ്ടാകും. ഇതൊന്നു അനുഭവിച്ചിട്ടില്ലാത്തവരാണെങ്കില് അബദ്ധത്തില് എങ്കിലും ഒറ്റപ്പെടലിന്റെ നിമിഷങ്ങളിലൂടെ കടന്നുപോയിട്ടുണ്ടാകും. കാരണം ഏതെങ്കിലും ഒരു സാഹചര്യത്തില് ഒറ്റയ്ക്ക് യാത്ര ചെയ്തിട്ടുള്ളവരാണ് ഭൂരിഭാഗം പേരും. ഈ സാഹചര്യത്തില് വിജനമായ ഏതെങ്കിലും പാതയില് നാം ആകെ ആശയകുഴപ്പത്തിലായ നിമിഷങ്ങള് ഉണ്ടായിട്ടുണ്ടാകും. ചിലപ്പോള് അത് ട്രെയിനോ ബസോ ഒക്കെ മിസാകുമ്പോള് മണിക്കൂറുകളോളം തനിയെ സമയം കടത്തിവിടണ്ട അവസ്ഥ ആയിരിക്കും. ആ സമയം ആരെങ്കിയും ഒന്നു മിണ്ടാനോ കൂട്ടുകൂടാനോ കിട്ടിയിരുന്നെങ്കില് എന്ന് നാം ആലോചിക്കും. ഇത്തരം ഒരു അവസ്ഥയില് പെട്ടുപോയ ഒരാള് കണ്ടെത്തിയ മാര്ഗമാണ് സമൂഹ മാധ്യമങ്ങളില് ശ്രദ്ധ നേടുന്നത്.
മണിക്കൂറുകള് നീണ്ട ബോറടി മാറ്റാന് സമീപത്തുണ്ടായിരുന്ന ടാറ്റൂ ആര്ട്ടിസ്റ്റിനെ കൊണ്ട് കാലില് ഒരു ടാറ്റൂ അടിപ്പിക്കുകയാണ് ഈ വ്യക്തി. @unilad എന്ന ഇന്സ്റ്റഗ്രാം അക്കൗണ്ടാണ് വീഡിയോ പങ്കുവച്ചിരിക്കുന്നത്. 'അവന് എന്ത് ടാറ്റൂ കുത്തിയെന്നാണ് നിങ്ങള് കരുതുന്നത്?' എന്നും വീഡിയോയ്ക്കുള്ളില് കുറിച്ചിട്ടുണ്ട്. ഏതോ ഒരു കൊറിയന് സിനിമയില് നിന്നുള്ള ദൃശ്യം പോലെയായിരുന്നു അത്. റോഡ് സൈഡിലെ നിരവധി നിലകളുള്ള വലിയൊരു ബില്ഡിംഗിന് താഴെ അടച്ചിട്ട വാതിലിന് മുന്നിലായ ഒരാള് ഇരിക്കുകയും മറ്റൊരാള് നില്ക്കുകയും ചെയ്യുന്നത് കാണാം. വീഡിയോ സൂം ചെയ്യുമ്പോള് ഒരു ടാറ്റൂ ആര്ട്ടിസ്റ്റ് വാതിലിന് മുന്നില് ഇരിക്കുന്നത് കാണാം. മറ്റൊരാള് ഇവര്ക്ക് അഭിമുഖമായി നില്ക്കുന്നു. ഇരിക്കുന്നയാള് നില്ക്കുന്ന ആളുടെ കാല്മുട്ടിന് താഴെ തന്റെ ഉപകരണം ഉപയോഗിച്ച് ടാറ്റൂ ചെയ്യുന്നതും കാണാം.
നിമിഷ നേരങ്ങള്ക്കുള്ളിലാണ് വീഡിയോ വൈറലായത്. നിരവധി ആളുകള് വീഡിയോയ്ക്ക് കമന്റുമായി എത്തി. ചിലര് 'അത് സാധാരണമാണെന്ന്' എഴുതി. അടിയന്തരഘട്ടങ്ങളില് പിന്നെന്ത് ചെയ്യുമെന്നായിരുന്നു അയാള് ചോദിച്ചത്. മറ്റ് ചിലര് എന്ത് തിരിക്കുണ്ടെങ്കിലും ഇത്തരം വൃത്തിഹീനമായ സാഹചര്യങ്ങളില് നിന്ന് ടാറ്റൂ അടിക്കുന്നത് അണുബാധയ്ക്ക് കാരണമാകുമെന്ന് മുന്നറിയിപ്പ് നല്കി. ഇത്തരം സാഹചര്യങ്ങളിലിരുന്ന് ടാറ്റൂ ചെയ്യുന്നവര് അവരുടെ സൂചി മാറ്റാറില്ലെന്ന് മറ്റ് ചിലര് ആരോപിച്ചു.
