ന്യൂഡല്ഹി: ആരാധകരില് ആവേശത്തിന്റെ തിരകള് ഉയര്ത്തി ഷാരൂഖ് ഖാന്റെ ഡങ്കി ഒടുവില് തീയേറ്ററില് എത്തി. ഡിസംബര് 21 ന് സിനിമയുടെ ആദ്യ ഷോ നടന്നത് മുംബൈയിലെ ഐക്കണിക് തീയറ്ററായ ഗെയ്റ്റി ഗ്യാലക്സിയില് രാവില്െ 5.55 നായിരുന്നു. ബോളിവുഡ് സിനിമകളുടെ ചരിത്രത്തില് തന്നെ ഈ സമയത്ത് ഒരു സിനിമ റിലീസ് ചെയ്യുന്നത് ആദ്യമായിട്ടാണ്. അതേസമയം സിനിമയ്ക്ക് ഈ സമയം തെരഞ്ഞെടുത്തത് ആരാധകരുടെ ആവശ്യം മാനിച്ച് മാത്രമായിരുന്നില്ല. 'അഞ്ച് അഞ്ചുകള്' വരുന്ന നമ്പര് ഷാരൂഖിന്റെ ഭാഗ്യചിഹ്നമായി കൂടി കരുതിയാണ്.
പത്താന് സിനിമ മുതലാണ് ഇത്തരമൊരു പതിവ് തുടങ്ങിയതെന്നാണ് ഫാന്സിന്റെ വാദം. അതിന് മുമ്പ് ഗെയ്റ്റിക്ക് ഉച്ചയ്ക്ക് 12 മണി ഷോ മാത്രമേ ഉണ്ടായിരുന്നുള്ളൂ. എന്നാല് പത്താന് മുതല് ഈ പാരമ്പര്യം ഷാരൂഖ് ആരാധകര് തുടങ്ങി. പത്താന് വേണ്ടി രാത്രി 9 മണിക്കായിരുന്നു ആദ്യ ഷോ. തുടര്ന്ന് ജവാന് വേണ്ടി രാവിലെ ആറു മണിക്ക് ഷോ നടത്തി. പുതിയ സിനിമ ഡങ്കിയുടെ സമയത്തില് അല്പ്പം കൂടി വ്യത്യസ്തമാക്കണം എന്ന ആശയത്തിന്റെ പുറത്തായിരുന്നു 5.55 ന് ഷോ ആരംഭിച്ചത് രാവിലെ 6 മണിക്കുള്ള ഷോയ്ക്ക് പകരം അഞ്ച് മിനിറ്റ് പിന്നോട്ട് എടുത്ത് 5.55 ന് ഷോ ആക്കാം എന്ന ആശയം ഞങ്ങള് കൊണ്ടുവന്നത് അങ്ങിനെയാണെന്ന് ഫാന്സ് പറയുന്നു.
അതേസമയം ഡങ്കി സിനിമ ഈ സമയത്ത് ആദ്യ ഷോ നടത്തിയതിന് പിന്നില് ഷാരൂഖുമായുള്ള മറ്റൊരു കാരണം കൂടിയുണ്ടായിരുന്നെന്ന് ആരാധകര് പറയുന്നു. നടന്റെ ഭാഗ്യനമ്പര് എന്ന് കൂടി കരുതിയാണ്. താരത്തിന്റെ കാറിന്റെ നമ്പറും 555 ആണ്. അതുകൊണ്ട്, ഞങ്ങളുടെ ഷോയില് എന്തുകൊണ്ട് അത് സംയോജിപ്പിച്ചുകൂടാ എന്ന് ഞങ്ങള് ചിന്തിച്ചു! അങ്ങനെയാണ് ഞങ്ങള് 5.55 മാ ഷോയുമായി വന്നത്.
ഇക്കാര്യത്തില് ഗെയ്റ്റി ഗാലക്സിയിലെ ടീമിന്റെ സഹകരണത്തിന് നന്ദി പറയാനും ആരാധകര് മടിച്ചില്ല. ഒരു ഷോ സംഘടിപ്പിക്കണമെന്ന് ആവശ്യപ്പെട്ടപ്പോള് അവര് അംഗീകരിച്ചു. ഫാന്സ് എന്തെങ്കിലും ചെയ്യുമെന്ന് അവര്ക്ക് അറിയാം. ആദ്യഷോ ഹൗസ്ഫുള് ആയി പോകുമെന്നും അറിവുള്ളതിനാല്. അവര്ക്ക് രണ്ടാമതൊന്ന് ആലോചിച്ചില്ല. പത്താന്, ജവാന് സമയങ്ങളില് അവര് കണ്ടിട്ടുണ്ട്, അതിനാല് ഡങ്കി അത് തന്നെ അല്ലെങ്കില് അതിലും കൂടുതല് ചെയ്യാന് പോകുമെന്ന് അവര്ക്കറിയാമെന്നും ഫാന്സ് പറയുന്നു.
