വണ്ടിപ്പെരിയാറില് ബലാത്സംഗത്തിനിടയായി കൊല്ലപ്പെട്ട കുട്ടിയുടെ കുടുംബത്തിന് സംരക്ഷണം ലഭിക്കുന്നത് വരെ സമരം തുടരുമെന്ന് കോൺഗ്രസ് നേതാവ് ഡീൻ കുര്യാക്കോസ്.
ഡീൻ കുര്യാക്കോസിന്റെ നേതൃത്വത്തിൽ കോൺഗ്രസ് പ്രവർത്തകർ പെൺകുട്ടിയുടെ മാതാപിതാക്കൾക്ക് പോലീസ് സംരക്ഷണം നൽകണമെന്നാവശ്യപ്പെട്ട് പീരുമേട് ഡിവൈഎസ്പി ഓഫീസ് ഉപരോധിച്ചിരുന്നു. ഡിവൈഎസ്പി പെൺകുട്ടിയുടെ കുടുംബത്തിന് പൂർണ്ണ സംരക്ഷണം നൽകുമെന്ന് ഉറപ്പ് നൽകിയതിനെ തുടർന്നാണ് രണ്ടരമണിക്കൂര് നീണ്ട ഉപരോധം അവസാനിപ്പിച്ചത്.
കുടുംബത്തിന് സംരക്ഷണം കിട്ടുന്നത് വരെ സമരം തുടരും. സമരം തുടരാൻ പ്രതിപക്ഷ നേതാവ് നിർദേശിച്ചെന്നും പോലീസ് ഈ വിഷയത്തെ ലാഘവത്തോടെ കാണുന്നതായും ചർച്ചയിൽ കാര്യമായ പുരോഗതിയില്ലെന്നും ഡീൻ കുര്യാക്കോസ് പറഞ്ഞു.
