നടിയും അവതാരകയുമായ പേളി മാണിക്കും ഭര്ത്താവും സീരിയല് നടനുമായ ശ്രീനിഷ് അരവിന്ദിനും രണ്ടാമത്തെ കുഞ്ഞ് ജനിച്ചു. പേളി വീണ്ടും അമ്മയായ സന്തോഷം ശ്രീനിഷ് അരവിന്ദാണ് സോഷ്യല് മീഡിയയിലൂടെ ആരാധകരെ അറിയിച്ചത്. പെണ്കുഞ്ഞ് ആണെന്നും അമ്മയും കുഞ്ഞും സുഖമായി ഇരിക്കുന്നുവെന്നും ശ്രീനിഷ് അറിയിച്ചു.
'ഞങ്ങള് വീണ്ടും ഒരു പെണ്കുഞ്ഞിനാല് അനുഗ്രഹിക്കപ്പെട്ടു.. പേളിയും കുഞ്ഞും സുരക്ഷിതരും ആരോഗ്യകരവുമായി ഇരിക്കുന്നു. നിങ്ങളുടെ സ്നേഹത്തിനും പ്രാര്ത്ഥനയ്ക്കും എല്ലാവര്ക്കും നന്ദി..'', ശ്രീനിഷ് സന്തോഷ വാര്ത്ത പങ്കുവച്ചുകൊണ്ട് കുറിച്ചു. ഇട്സ് എ ഗേള് എന്നൊരു ഫോട്ടോ പങ്കുവച്ചുകൊണ്ടാണ് ശ്രീനിഷ് ഇത് അറിയിച്ചത്.
അശ്വതി ശ്രീകാന്ത്, ജുവല് മേരി, സൗഭാഗ്യ വെങ്കിടേഷ്, ശ്രുതി രജനികാന്ത്, സാധിക വേണുഗോപാല്, ഷിയാസ് കരീം തുടങ്ങിയ നിരവധി താരങ്ങളാണ് ശ്രീനിഷിന്റെ പോസ്റ്റില് കമന്റുകള് ഇട്ടത്. ബിഗ് ബോസിലൂടെയാണ് പേളിയും ശ്രീനിഷും പ്രണയത്തിലാവുന്നത്. ഷോ കഴിഞ്ഞ ശേഷം വിവാഹിതരായി. നില എന്നാണ് ഇവരുടെ മൂത്ത കുഞ്ഞിന്റെ പേര്.
