കുടുംബപ്രേക്ഷകര്ക്ക് മാത്രമല്ല ബിഗ് സ്ക്രീന് പ്രേക്ഷകര്ക്കും സുപരിചിതയായ താരമാണ് സ്വാസിക വിജയ്. കഴിഞ്ഞ കുറച്ചു നാളുകളായി താരത്തിന്റെ പ്രണയങ്ങളും വിവാഹവുമൊക്കെ ഗോസിപ്പു കോളങ്ങളില് നിറയുന്നുണ്ട്. പലരുമായി താരം പ്രണയത്തിലാണെന്ന് വാര്ത്തകള് വന്നിരുന്നു. എന്നാല് എല്ലാ വാര്ത്തകളും കാറ്റില് പറത്തി ടെലിവിഷന് താരവും മോഡലുമായ പ്രേം ജേക്കബുമായി പ്രണയത്തിലാണെന്നും വിവാഹം കഴിക്കാന് പോകുകയാണെന്നും താരം തന്നെ തുറന്നു പറഞ്ഞു. കഴിഞ്ഞ ദിവസമാണ് സ്വാസികയെ പ്രേം താലിയണിയിച്ച് ജീവിതത്തിലേക്ക് കൂട്ടിയത്. തിരുവനന്തപുരത്ത് വച്ചായിരുന്നു താരങ്ങളുടെ വിവാഹം. താരം തന്നെയാണ് വിവാഹ ചിത്രങ്ങള് ഇന്സ്റ്റഗ്രാമില് പങ്കുവച്ചത്. ‘ഞങ്ങള് ഒന്നിച്ച് ജീവിക്കാന് തിരുമാനിച്ചിരിക്കുന്നു’ എന്ന് ക്യാപ്ഷനും നല്കിയാണ് താരം വിവാഹചിത്രങ്ങള് പങ്കുവച്ചത്. ബീച്ച് വെഡ്ഡിംഗാണ് ഇരുവരും തെരഞ്ഞെടുത്തത്. ചുവപ്പും ഗോള്ഡണ് നിറവും കലർന്ന പട്ടുസാരിയും അതിനിണങ്ങുന്ന ആഭരണങ്ങളുമണിഞ്ഞ് രാഞ്ജിയെപ്പോലെയാണ് സ്വാസിക വിവാഹത്തിനെത്തിയത്. ക്രീ നിറത്തിലുള്ള ഷേർവാണിയായിരുന്നു പ്രേമിന്റെ വേഷം. ബീച്ച് വെഡ്ഡിങാണ് സ്വാസികയും പ്രേം ജേക്കബും തെരഞ്ഞെടുത്തത്. പ്രേം താലിയണിച്ച് സിന്ദൂരം തൊടുവിച്ചപ്പോള് സന്തോഷം കൊണ്ട് സ്വാസിക കരയുന്നതും വൈറലായ വീഡിയോകളില് കാണാം.
.
നടിമാരായ ദേവി ചന്ദന, മഞ്ജു പിള്ള, രചന നാരായണന് കുട്ടി, ഗോപിക, സുരേഷ് ഗോപി, ശ്വേത മേനോന്, അമ്മ ജനറല് സെക്രട്ടറി നടന് ഇടവേള ബാബു എന്നിവര് ചടങ്ങില് പങ്കെടുക്കാനെത്തിയിരുന്നു. മനം പോലെ മംഗല്യം എന്ന സീരിയലിന്റെ സെറ്റില് വച്ചാണ് സ്വാസികയും പ്രേമും പ്രണയത്തിലാവുന്നത്. പ്രേമുമായുള്ള പ്രണയത്തെ കുറിച്ച് കഴിഞ്ഞ ദിവസം സ്വാസിക മനസ്സു തുറന്നിരുന്നു. ബീച്ച് വെഡ്ഡിങിന് ശേഷം ബന്ധുക്കള്ക്കും കൂട്ടുകാർക്കും സുഹൃത്തുക്കള്ക്കുമായി വിവാഹസല്ക്കാരവും സ്വാസികയും പ്രേമും ഒരുക്കിയിരുന്നു. നടി മഞ്ജുപിള്ള, സരയു തുടങ്ങി നിരവധി സിനിമാ താരങ്ങളും ഒട്ടനവധി സീരിയല് താരങ്ങളും വിവാഹത്തില് പങ്കെടുക്കാനും ഇരുവർക്കും ആശംസകള് നേരാനും എത്തിയിരുന്നു. വിവാഹത്തിന് മുന്നോടിയായി സംഗീത് നൈറ്റും ഇരുവരും ഒരുക്കിയിരുന്നു. കുറച്ച് ദിവസം മുമ്ബാണ് താനും പ്രേമും പ്രണയത്തിലാണെന്നും ജനുവരിയില് വിവാഹമുണ്ടാകുമെന്നും സ്വാസിക വെളിപ്പെടുത്തിയത്.
