ഏറ്റവും അക്രമാസക്തരായ വന്യമൃഗങ്ങളാണ് സിംഹവും പുലിയും കടുവയുമെല്ലാം. പലര്ക്കും ഇവയെ കാണുമ്പോള് തന്നെ പേടിയാണ്. അതുകൊണ്ട് തന്നെ ഇവയെ പട്ടിയെയും പൂച്ചയെയും പോലെ ഓമനിച്ചു വളര്ത്തുക അത്ര എളുപ്പമുള്ള കാര്യമല്ല. എന്നാല് അതേസമയം പ്രത്യേക പരിശീലനത്തിലൂടെ ഇവയെ മെരുക്കി എടുത്ത് വളര്പെറ്റ് ആയി വളര്ത്തുള്ള ആളുകളുമുണ്ട്. അവയുടെ സ്വാഭാവികമായ ആവാസവ്യവസ്ഥയില് നിന്നും മാറ്റി വീട്ടില് വളര്ത്തുന്നത് ക്രൂരതയാണ് എന്ന് മിക്കപ്പോഴും മൃഗങ്ങളുടെ അവകാശങ്ങള്ക്ക് വേണ്ടി പ്രവര്ത്തിക്കുന്നവര് പറയാറുണ്ട്. എന്നാല്, അത്തരം വീഡിയോകളും ചിത്രങ്ങളും നാം സോഷ്യല് മീഡിയയില് ദിനം പ്രതി കാണാറുണ്ട്. ഇപ്പോഴിതാ ഇത്തരത്തിലൊരു വീഡിയോയാണ് സമൂഹ മാധ്യമങ്ങളില് ശ്രദ്ധ നേടുന്നത്. വീഡിയോയെ വിമര്ശിച്ച് നിരവധി ആളുകള് രംഗത്തെത്തി.
@Bangkokboy എന്ന എക്സ് അക്കൗണ്ടാണ് വീഡിയോ പങ്കുവച്ചിരിക്കുന്നത്. വീഡിയോയില്, ഒരു സിംഹത്തിന്റെ കുഞ്ഞിനെ ഒരാള് ഒരു കാറില് കയറ്റിക്കൊണ്ടു പോകുന്നതാണ് കാണാന് കഴിയുക. വീഡിയോ ഷൂട്ട് ചെയ്തിരിക്കുന്നത് തായ്ലാന്ഡില് നിന്നാണെന്നാണ് റിപ്പോര്ട്ടുകള് പറയുന്നത്. പട്ടായ സിറ്റിയില് വച്ചാണ് വീഡിയോ പകര്ത്തിയിരിക്കുന്നത്. കാറിന്റെ പിന്സീറ്റിലാണ് സിംഹത്തിന്റെ കുഞ്ഞിനെ ഇരുത്തിയിരിക്കുന്നത്. അതിന്റെ കഴുത്തില് ഒരു കോളറും ഇട്ടിരിക്കുന്നത് കാണാം. സൗത്ത് ചൈന മോണിംഗ് പോസ്റ്റ് റിപ്പോര്ട്ട് ചെയ്യുന്നതനുസരിച്ച് ഈ വീഡിയോ പ്രചരിച്ചതിന് പിന്നാലെ അധികൃതര് സംഭവത്തില് അന്വേഷണം ആരംഭിച്ചിട്ടുണ്ട്. 023 ഡിസംബറില് ചോന്ബുരി പ്രവിശ്യയിലെ ബാംഗ് ലാമുങ് ജില്ലയിലെ സോയി ഫ്രതംനാക്ക് 5 -ലാണ് ദൃശ്യങ്ങള് ചിത്രീകരിച്ചത് എന്നാണ് പറയുന്നത്.
തുടര്ന്ന് വീഡിയോ വിവിധ സോഷ്യല് മീഡിയാ പ്ലാറ്റ്ഫോമുകളില് വൈറലാവുകയായിരുന്നു. ഈ സിംഹത്തിന്റെ കുഞ്ഞിന് ഏകദേശം നാലോ അഞ്ചോ മാസമേ പ്രായം കാണൂ എന്നാണ് വിലയിരുത്തുന്നത്. വീഡിയോ പ്രചരിച്ചതോടെ വലിയ വിമര്ശനങ്ങളും നെറ്റിസണ്സിന്റെ ഭാഗത്തുനിന്നും ഉണ്ടായി. എന്തിനാണ് വന്യമൃഗങ്ങളെ ഇങ്ങനെ പെറ്റുകളെ പോലെ വളര്ത്തുന്നത് എന്ന ചോദ്യമാണ് നെറ്റിസണ്സിന്റെ ഭാഗത്ത് നിന്നും ഉണ്ടായിരിക്കുന്നത്.
Viral video of the day:
A person - probably from Bangladesh - chauffeurs a four-month-old lion through the middle of Pattaya in a rented Bentley convertible.
How sick is this?
Keeping a lion as a pet is cruel!
Vid. cr.: Pierre-Alexandre / T-Tok
8 December 2023#Pattaya https://t.co/ctPbOI9CDD pic.twitter.com/8bzsA0hOiF— ฿คຖgk๐k-฿๐y - หนุ่มบางกอก (@Bangkokboy17) January 23, 2024
