കാലം മാറിയതോടെ ജീവിതരീതികളില് മാത്രമല്ല മനുഷ്യന്റെ ചിന്താഗതികളില് അടക്കം മാറ്റം വന്നിരിക്കുകയാണ്. ജീവിത പങ്കാളിയെ പോലും ഓണ്ലൈനായി കണ്ടെത്തുന്ന കാലമാണിത്. ഓണ്ലൈന് ഡേറ്റിംഗ് ആപ്പുകളും മാട്രിമോണിയല് ആപ്പുകളുമൊക്കെയാണ് പങ്കാളിയെ കണ്ടെത്താനായി നമ്മെ സഹായിക്കുന്നത്. നിരവധി ആളുകളാണ് നല്ല പ്രണയങ്ങളെ ഇത്തരം ആപ്പുകള് വഴി കണ്ടെത്തിയിട്ടുള്ളത്. എന്നാല് ഇപ്പോഴിതാവെറും നാല് വയസ്സുള്ള ഒരു പെണ്കുട്ടി ടിന്ഡര് ഡേറ്റിംഗ് ആപ്പില് പെര്ഫെക്ട് മാച്ചിനെ തിരയുന്ന വീഡിയോയാണ് സമൂഹ മാധ്യമങ്ങളില് ശ്രദ്ധ നേടുന്നത്.
വീഡിയോയില് നാലുവയസുകാരിയായ പെണ്കുട്ടി ടിന്ഡറിലൂടെ കടന്നു പോവുകയാണ്. അതിനിടയില് ഒരാളെ കാണുകയും അത് വീഡിയോ പകര്ത്തുന്ന ആര്ക്കോ കാണിച്ച് കൊടുക്കുകയും ചെയ്യുന്നുണ്ട്. വളരെ പെട്ടെന്നാണ് വീഡിയോ സോഷ്യല് മീഡിയയില് ആകെ വൈറലായത്. നാലുവയസുകാരിയായ ഒരു പെണ്കുട്ടി ഡേറ്റിംഗ് ആപ്പ് ഉപയോഗിക്കുന്നു എന്നത് മിക്കവരേയും രോഷം കൊള്ളിച്ചു. കുട്ടിയുടെ രക്ഷിതാക്കളെ പലരും രൂക്ഷമായി വിമര്ശിച്ചു.
ഇതൊട്ടും ക്യൂട്ട് അല്ല, ഇതൊട്ടും ശരിയല്ല എന്നാണ് എന്നാണ് ഒരാള് അഭിപ്രായപ്പെട്ടത്. ' ഇത് ഒരു തരത്തിലുള്ള ശിശുപീഡനമാണ്' എന്നാണ് മറ്റൊരാള് കുറിച്ചത്. 'ഒരു ക്രൈം നടക്കുന്നതാണ് നമ്മള് ഇപ്പോള് കണ്ടുക്കൊണ്ടിരിക്കുന്നത് എന്നാണ് മറ്റൊരാള് രോഷം കൊണ്ടത്. അതേസമയം കുട്ടിയുടെ അമ്മയുടെ സിംഗിളായ കൂട്ടുകാരിക്ക് വേണ്ടിയാണ് അവള് ടിന്ഡറില് പെര്ഫെക്ട് മാച്ച് ആയ ഒരാശെ തിരയുന്നത് എന്നാണ് റിപ്പോര്ട്ടുകള് പറയുന്നത്. ഏതായാലും വീഡിയോ വന്വിമര്ശനമാണ് നേരിട്ടുക്കൊണ്ടിരിക്കുന്നത്.
