ഇടുക്കി : ഉടുമ്പൻചോലയിൽ അയൽവാസി പെട്രോൾ ഒഴിച്ച് തീ കൊളുത്തിയ യുവതി മരിച്ചു. ഉടുമ്പൻചോല പാറക്കൽ ഷീലയാണ് മരിച്ചത്. അയൽവാസി ശശികുമാറാണ് അപായപ്പെടുത്തിയത്. തേനി മെഡിക്കൽ കോളജിൽ ചികിത്സയിൽ ഇരിക്കെയാണ് മരണം സംഭവിച്ചത്.
വെള്ളിയാഴ്ച ആണ് ശശി ഷീലയെ പെട്രോൾ ഒഴിച്ച് തീ കൊളുത്തിയത്. വ്യക്തിവൈരാഗ്യമാണ് സംഭവത്തിലേക്ക് നയിച്ചതെന്നാണ് പൊലീസിന്റെ നിഗമനം. പ്രതിയായ ശശികുമാർ പൊലീസ് കസ്റ്റഡിയിലാണ്. സ്വകാര്യ വ്യക്തിയുടെ എസ്റ്റേറ്റിലെ ജീവനക്കാരാണ് ഷീലയും ശശികുമാറും.
ഇരുവരും തമ്മില് നേരത്തെ തര്ക്കമുണ്ടായിരുന്നതായാണ് വിവരം. ഏലം ശേഖരിക്കുന്ന സ്റ്റോറിനടുത്തുവെച്ച് ഷീലയെ ശശികുമാര് ബലമായി പിടിച്ചുകൊണ്ടുപോവുകയായിരുന്നു. തുടര്ന്ന് എസ്റ്റേറ്റ് ലയത്തിനുള്ളിലേക്ക് കൊണ്ടുപോയശേഷമാണ് പെട്രോള് ഒഴിച്ച് തീ കൊളുത്തിയത്. മറ്റുള്ളവര് ഓടിയെത്തുകയും പൊള്ളലേറ്റ ഷീലയെ വാതില് പൊളിച്ച് പുറത്തേക്ക് എടുക്കുകയുമായിരുന്നു. തുടര്ന്ന് ആശുപത്രിയില് എത്തിച്ചു.
