മുഖ്യമന്ത്രി പിണറായി വിജയന് ക്രൈം നന്ദകുമാര് നല്കിയ പരാതിയില് ക്ലീന് ചിറ്റ് നല്കിയ അഡീഷണല് ഇന്കം ടാക്സ് ഡയറക്ടര് ജനറല് മുഖ്യമന്ത്രിയുടെ പഴ്സണല് സ്റ്റാഫ് അംഗമാണെന്ന് ബിജെപി നേതാവ് ഷോണ് ജോര്ജ്. ആര് മോഹനന് ഉദ്ദിഷ്ട കാര്യത്തിന് ഉപകാര സ്മരണയായാണ് പഴ്സണല് സ്റ്റാഫില് ഇടം നല്കിയതെന്ന് ഷോണ് ജോര്ജ് ആരോപിച്ചു.
ഈ അന്വേഷണ ഉദ്യോഗസ്ഥൻ നൽകിയ റിപ്പോർട്ടും അദ്ദേഹത്തിന്റെ ഇടപെടലും അന്വേഷിക്കണമെന്നാവശ്യപ്പെട്ട് കേന്ദ്ര സർക്കാരിന് പരാതി നൽകും. അയാള് വിരമിച്ച ശേഷം നേരെ പോയത് മുഖ്യമന്ത്രിയുടെ പേഴ്സണൽ സ്റ്റാഫിലേക്കാണ്.
ക്രൈം നന്ദകുമാർ ഹൈക്കോടതിയെ സമീപിച്ചാൽ ഈ കേസിൽ പുനരന്വേഷണത്തിന് സാധ്യതയുണ്ട്. ഒരു ഉദ്യോഗസ്ഥൻ മുഖ്യമന്ത്രിക്ക് ക്ലീൻ ചിറ്റ് നൽകിയതിൽ തെറ്റില്ല. എന്നാൽ അതേ ഉദ്യോഗസ്ഥൻ മുഖ്യമന്ത്രിയുടെ പേഴ്സണൽ സ്റ്റാഫിൽ വർഷങ്ങളോളം ഇരിക്കണമെങ്കിൽ അതിനുപിന്നിൽ ഉപകാരസ്മരണയാണോയെന്ന് സംശയിക്കുന്നതായും ഷോൺ ജോർജ് കൂട്ടിച്ചേര്ത്തു. ഈ ഉദ്യോഗസ്ഥന്റെ കഴിഞ്ഞകാല പ്രവര്ത്തനങ്ങളും കേസുകളില് നടത്തിയിട്ടുള്ള ഇടപെടലുകളിലും സമഗ്രമായ അന്വേഷണം വേണമെന്നും അദ്ദേഹം പറഞ്ഞു.
