ലോകത്തിലെ ഏറ്റവും പ്രശസ്തനായ യ്യൂടുബറാണ് മിസ്റ്റര്‍ ബീസ്റ്റ്(MrBeast). ടി-സീരിസ് കഴിഞ്ഞാല്‍ ലോകത്തില്‍ ഏറ്റവും അധികം വരിക്കാരുള്ള യൂട്യൂബ് ചാനലും ബീസ്റ്റിന്റേതാണ്. ജിമ്മി ഡൊണാള്‍ഡ്‌സണ്‍ എന്നാണ് ഇയാളുടെ യഥാര്‍ത്ഥ പേര്. തന്റെ ഫോളോവേഴ്‌സിനായി പലപ്പോഴും അതി കഠിനമായ ചലഞ്ചുകളാണ് ഇദ്ദേഹം നടത്താറുള്ളത്. ഇപ്പോളിതാ ഫോളോവേഴ്‌സിനായിട്ടുള്ള ഈ യൂട്യൂബറിന്റെ പുതിയ ചലഞ്ചാണ് നെറ്റീസണ്‍സിനിടയില്‍ ചര്‍ച്ചയാകുന്നത്. സംഭവം എന്താണന്നല്ലേ? എല്ലാവരും ഉപേക്ഷിച്ച് കിടക്കുന്ന ഒരു മനുഷ്യന്‍ പോലുമില്ലാത്ത പ്രേത നഗരത്തില്‍ ഏഴ് ദിവസം താമസിക്കണം അത്രേ.
ഇതുവരെ ചെയ്തതില്‍ വച്ച് ഏറ്റവും കഠിനമേറിയ ചലഞ്ച് ഇതാണ് എന്നാണ് മിസ്റ്റര്‍ ബീസറ്റ് ഇതിനെ വിശേഷിപ്പിച്ചത്. ക്രോയേഷ്യയിലെ ഒരു അനാഥ നഗരത്തിലാണ് യൂട്യൂബറും സംഘവും ഏഴ് ദിവസം താമസിച്ചത്. ഇതിനോടകം 76 മില്ല്യണ്‍ ആളുകളാണ് ഈ വീഡിയോ കണ്ടിരിക്കുന്നത്. ഡുബ്രോവ്‌നിക്കിന് സമീപത്തുള്ള വിജനമായ ക്രൊയേഷ്യന്‍ തീരദേശ നഗരമായ കുപാരിയിലാണ് മി. ബീസ്റ്റ് ഏഴ് ദിവസം താമസിച്ചത്. ഈ നഗരത്തിലുള്ളത് ഏഴ് തകര്‍ന്ന ഹോട്ടലുകളാണ്. ഇതില്‍ ഏറ്റവും പഴക്കം ചെന്നത് 1920-ല്‍ നിര്‍മ്മിച്ചു എന്നാണ് കരുതപ്പെടുന്നത്. എന്നാല്‍ 1991 ലെ ക്രൊയേഷ്യന്‍ സ്വാതന്ത്ര്യ സമരത്തിന് ശേഷം ഈ പട്ടണം ഉപേക്ഷിക്കപ്പെട്ട നിലയില്‍ കിടക്കുകയാണ്.
കടുത്ത തണുപ്പുള്ള പ്രദേശമാണ് ഇവിടം. വെള്ളം, ഇന്‍സ്റ്റന്റ് ഫുഡ്ം സ്ലീപ്പിംഗ് ബാഗുകള്‍ എന്നിവയൊക്കെയായിട്ടാണ് മീ. ബീസ്റ്റും സംഘവും ഇവിടെ എത്തിയത്. ആദ്യത്തെ ദിവസം തന്നെ രാത്രിയില്‍ എന്തോ ചില്ല പൊട്ടിത്തകരുന്ന ശബ്ദം കേട്ട് സംഘത്തിലെ രണ്ടുപേര്‍ അര്‍ധരാത്രി ഉറക്കമുണര്‍ന്നു. കുറച്ച് ദിവസം കഴിഞ്ഞപ്പോള്‍ വെള്ളം തീരാറായി. അതോടെ സംഘത്തിലെ രണ്ടുപേര്‍ ചലഞ്ച് പൂര്‍ത്തിയാക്കാതെ മടങ്ങിപ്പോയി. ശേഷിച്ച ദിവസം മി. ബീസ്റ്റും ഒരു സുഹൃത്തും ക്യാമറ ചെയ്യുന്നവരു മാത്രമാണ് ഉണ്ടായിരുന്നത്. ഏകാന്തത ആയിരുന്നു അവിടെ നേരിടേണ്ടിവന്ന ഏറ്റവും വലിയ വെല്ലുവിളി എന്നാണ് മിസ്റ്റര്‍ ബീസറ്റ് ഈ ചലഞ്ചിനെക്കുറിച്ച് വെളിപ്പെടുത്തിയത്.
Comments